گوگل نیوز پر ہمیں فالو کریںکراچی: پاکستان تحریکِ انصاف( پی ٹی آئی) رہنما ہر حکومت میں حصہ دار سرکاری افسران کے کردار کی مخالفت کرنے لگی، پی ٹی آئی رہنماکے مطابق ملک کو تباہ کرنے میں سرکاری افسران کا کردار فراموش نہیں کیا جاسکتا۔
سماجی رابطے کی ویب سائٹ ٹوئٹر پر اپنے پیغام میں تحریکِ انصاف کے رکنِ سندھ اسمبلی ارسلان تاج گھمن نے کہا کہ سیاستدانوں نے بھی ملک کو تباہ کیا مگر اس میں سب سے بڑا کردار سرکاری افسران کا ہے۔
تحریکِ انصاف کے رکنِ سندھ اسمبلی ارسلان تاج گھمن نے کہا کہ یہ سرکاری افسران ہر حکومت میں حصہ دار رہے اور ہر حکومت کو ”اوکے“ کی رپورٹ دیتے آئے ہیں۔
رکنِ سندھ اسمبلی ارسلان تاج گھمن نے کہا کہ آج بھی کچھ ایسا ہی ہو رہا ہے۔ وزراء انہی افسران کی رپورٹس سن کر حالات کا جائزہ لے رہے ہیں جو انہیں سب اچھا ہے کی رپورٹ دیتے ہیں۔
سیاستدانوں نے بھی ملک کو تباہ کیا مگر اس میں سب سے بڑا کردار سرکاری افسران کا ہے جو ہر حکومت میں حصہ دار رہے ہیں اور ہر حکومت کو اوکے کی رپورٹ دیتے آئے ہیں۔
آج بھی کچھ ایسا ہی ہو رہا ہے۔ وزراء انہی افسران کی رپورٹس سن کر حالات کا جائزہ لے رہے ہیں۔— Arsalan Taj (@ArsalanGhumman) February 27, 2020
یاد رہے کہ اس سے قبل تحریکِ انصاف شہرِ قائد میں جاری تجاوزات کے خلاف آپریشن پر چپ نہ رہ سکی۔ پی ٹی آئی کے مطابق شہر میں تجاوزات کے خلاف آپریشن میں بے گناہ عوام کو نشانہ بنایا گیا۔
ٹوئٹر پر 16 روز قبل اپنے پیغام میں تحریکِ انصاف کراچی ڈویژن کے رہنما و رکنِ سندھ اسمبلی ارسلان تاج گھمن نے کہا کہ شہر میں جاری تجاوزات کے خلاف آپریشن میں بے گناہ عوام کو نشانہ بنایا جارہا ہے۔
مزید پڑھیں: عوام تجاوزات کے خلاف آپریشن کا نشانہ بن رہے ہیں۔تحریکِ انصاف
