شہباز گل، شہزاد اکبر، اعظم خان اور ارسلان خالدکے نام اسٹاپ لسٹ میں شامل

اسلام آباد: وفاقی تحقیقاتی ادارے (ایف آئی اے) نے چیئرمین پی ٹی آئی عمران خان کے سابق معاونِ خصوصی، پرنسپل سیکریٹری، مشیر اور فوکل پرسن کے نام اسٹاپ لسٹ میں شامل کردئیے ہیں۔

تفصیلات کے مطابق سابق معاونِ خصوصی برائے سیاسی ابلاغ شہباز گل اور سابق مشیرِ احتساب شہزاد اکبر کے علاوہ سابق پرنسپل سیکریٹری ٹو پرائم منسٹر اعظم خان کے نام اسٹاپ لسٹ میں شامل کیے گئے۔

یہ بھی پڑھیں:

سی ٹی ڈی کی کارروائی، 5 دہشت گرد ہلاک، اسلحہ اور بارود برآمد

اینٹی کرپشن پنجاب کے ڈائریکٹر جنرل گوہر نفیس، ایف آئی اے پنجاب زون ون کے سربراہ ڈاکٹر رضوان اور تحریکِ انصاف کے سوشل میڈیا ہیڈ ارسلان خالد کے نام بھی اسٹاپ لسٹ میں ڈال دئیے گئے۔

وفاقی وزراء کے نام ایگزٹ کنٹرول لسٹ (ای سی ایل) میں شامل کرنے کی درخواست پر آج اسلام آباد ہائیکورٹ میں سماعت آج ہوگی۔ چیف جسٹس اطہر من اللہ کیس کی سماعت کریں گے جس میں درخواست پر فیصلہ متوقع ہے۔

درخواست گزار نے عدالت سے استدعا کی ہے کہ سیکریٹری داخلہ کو وزیر اعظم عمران خان نے 27 مارچ کو عوامی جلسے سے خطاب کرتے ہوئے جو دھمکی آمیز خط لہرایا، اس کی انکوائری کا حکم جاری کیا جائے۔