پی ٹی آئی رہنما اسد عمر نے درخواست ضمانت دائر کردی

اسلام آباد: پاکستان تحریک انصاف کے رہنما اسد عمر نے دفعہ 144 کی خلاف ورزی کے الزام میں درج مقدمے میں درخواست قبل از گرفتاری جمع کروادی۔

تفصیلات کے مطابق پاکستان تحریک انصاف کے جنرل سیکرٹری نے ایمپلی فائر ایکٹ اور دفعہ 144 کی خلاف ورزی کے مقدمے میں عبوری درخواست ضمانت قبل از گرفتاری سیشن کورٹ میں وکیل بابر اعوان کے ذریعے دائر کی۔

درخواست میں مؤقف اختیار کیا گیا ہے کہ دفعہ 144 کی خلاف ورزی پر مقدمہ درج کیا گیا ہے۔ جب ملک بھر میں احتجاجی ریلیاں نکالی گئیں تو پٹیشنر اس وقت لاہور کی ریلی میں شریک تھا ۔

یہ بھی پڑھیں:

مقدمہ بدنیتی پر مبنی، شہباز گل کی جانب سے عدالت میں ضمانت کیلئے درخواست دائر

اسد عمر کی جانب سے دائر درخواست میں موقف اختیار کیا گیا ہے کہ میں پولیس کے سامنے شامل تفتیش ہونے کو تیار ہوں، ضمانت منظور کی جائے۔ خدشہ ہے کہ مجھے سوسائٹی میں تضحیک کے لیے گرفتار کیا جائے گا۔