گوگل نیوز پر ہمیں فالو کریںآغا خان پنجم کے طور پر مشہور پرنس رحیم الحسینی آغا خان نے پاکستان اور بھارت کے درمیان بڑھتی ہوئی کشیدگی کو کم کرنے کے لیے ثالثی کی پیشکش کی ہے۔
میڈیا رپورٹس کے مطابق آغا خان نے پاکستان اور بھارت کے وزرائے اعظم کو الگ الگ خطوط لکھے ہیں جن میں انہوں نے دونوں ممالک کے درمیان بڑھتی ہوئی کشیدگی پر گہری تشویش کا اظہار کیا ہے اور موجودہ صورتحال کو پرامن طریقے سے حل کرنے کے لیے ثالثی کا کردار ادا کرنے کی خواہش ظاہر کی ہے۔
اپنے خط میں انہوں نے لکھا کہ میری دعا ہے کہ یہ تنازع پرامن طریقے سے حل ہو تاکہ مزید جانی نقصان سے بچا جا سکے۔
رپورٹس کے مطابق آغا خان نے اقوام متحدہ کے سیکریٹری جنرل کو بھی اسی نوعیت کا خط ارسال کیا ہے جس میں پاکستان اور بھارت کے درمیان جنگی صورتحال پر تشویش کا اظہار کیا گیا ہے۔
یہ بات قابلِ ذکر ہے کہ بھارتی جارحیت اور معصوم پاکستانی شہریوں بشمول بچوں کی شہادت کے بعد پاکستان آرمی نے آپریشن بنیان مرصوص کے تحت بھارت کے خلاف جوابی کارروائی کی اور ہفتے کی علی الصبح بھارتی فوج کی متعدد عسکری تنصیبات کو تباہ کر دیا۔
