وزیراعظم شہباز شریف آج کراچی کا 1 روزہ دورہ کریں گے

وزیر اعظم پاکستان میاں شہباز شریف آج کراچی کا 1 روزہ دورہ کریں گے ۔

تفصیلات کے مطابق پاکستان کے نومنتخب وزیراعظم میاں شہباز شریف آج ایک روزہ دورے پر کراچی تشریف لائیں گے، جن کا استقبال وزیراعلیٰ سندھ مراد علی شاہ کریں گے۔

شہباز شریف کراچی کے دورے کے دوران اتحادی جماعتوں کی قیادت کے ہمراہ مزار قائد پر حاضری دینگے بعدازاں حاضری کے بعد شہباز شریف وزیراعلیٰ ہاؤس کا دورہ کریں گے، وزیراعظم کراچی میں ترقیاتی منصوبوں سے متعلق مشاورتی اجلاس کی صدارت بھی کریں گے۔

مزید برآں سندھ میں امن و امان اور ترقیاتی منصوبوں سمیت تمام اجلاس وزیراعلیٰ ہاؤس میں ہوں گے، ایم کیو ایم پاکستان کے مطابق وزیراعظم شہباز شریف دوپہر 2 بجے بہادرآباد مرکز کا دورہ بھی کریں گے۔

یہ بھی پڑھیں: پاکستان اور جنوبی امریکی ریاستوںکے درمیان دو طرفہ تجارت میں ریکارڈ اضافہ

دوسری جانب وزیراعظم میاں شہباز شریف نے کہا ہے کہ ہم کسی کے خلاف انتقامی کارروائی نہیں کریں گے، سابق حکومت نے ملکی وسائل ناجائز طور پر استعمال کیے، مجھے کسی کو کچھ بتانے کی ضرورت نہیں ہے۔سب کچھ ریکارڈ پر ہے۔

انہوں نے کہا کہ نے کہا کہ فوج اور قومی سلامتی کے اداروں کے خلاف مہم ناقابلِ برداشت ہے۔ سپریم کورٹ کے فیصلے پر اس کی روح کے مطابق عمل ہوگا۔ نیب کو کسی کے خلاف انتقامی کارروائی کیلئے استعمال نہیں کیا جائے گا۔

وزراء کی تعیناتی کے متعلق وزیر اعظم شہباز شریف نے کہا کہ وفاقی کابینہ ایک دو روز میں تشکیل پا جائے گی، ملک میں شدید مہنگائی، بے روزگاری اور غربت ہے، پیپلز پارٹی کو وفاقی کابینہ میں آنا چاہئے، اتحادی حکومت میں سب کو شامل کرنا پڑے گا۔