گوگل نیوز پر ہمیں فالو کریںاسلام آباد: صدرِ مملکت ڈاکٹر عارف علوی نے کہا ہے کہ وزیرِ اعظم عمران خان کا 1 ہزار 100 ارب روپے کا کراچی پیکیج خوش آئند ہے جبکہ وفاقی حکومت شہر کا انفرا اسٹرکچر بحال کرے گی۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ کراچی کیلئے 1100 ارب کے پیکیج کا اعلان خوش آئند ہے جبکہ سندھ کے دیگر شہروں کیلئے مزید گفت و شنید جاری ہے جو وفاقی حکومت کی طرف سے سندھ کی پکار پر لبیک کے مترادف ہے۔
پیغام میں صدرِ مملکت ڈاکٹر عارف علوی نے کہا کہ بارش سے کراچی میں تباہی پھیلی جبکہ یہ شہر ملک کیلئے سب سے زیادہ ٹیکس ادا کرتا ہے۔ کراچی کی معیشت کی بحالی کا انحصار شہر کے انفراسٹرکچر پر ہے جس میں سڑکیں، پانی کی فراہمی، نالہ صفائی اور نکاسئ آب شامل ہیں۔
A good package worth Rs1100B for Karachi & further discussion on needs of rest of Sindh is a welcome response. Rains have devastated Karachi which is biggest tax payer of the country. Reviving its economy rests on its infrastructure, its roads, water supply, rain drains & sewage.
— Dr. Arif Alvi (@ArifAlvi) September 6, 2020
یہ بھی پڑھیں: کراچی پیکیج پرعملدرآمد سے شہر کی قسمت بدل سکتی ہے
