گوگل نیوز پر ہمیں فالو کریںلاہور میں نیشنل ٹی ٹوئنٹی سیریز کا میلہ سج گیا، سنٹرل پنجاب اور سندھ کےمابین پہلا میچ آج کھیلا جائے گا جس کی تیاریاں مکمل کر لی گئی ہیں۔
سماجی رابطے کی ویب سائٹ ٹوئٹر پر اپنے پیغام میں ڈپٹی کمشنر لاہور نے کہا کہ بہترین انتظامات اور سیکیورٹی کے ساتھ کرکٹ کی رونقیں لاہور واپس پہنچ رہی ہیں۔
ڈپٹی کمشنر لاہور نے کہا کہ قذافی اسٹیڈیم میں آج سے شروع ہونے والے ٹی 20 میچز کیلئے ضلعی انتظامیہ کی جانب سے تمام تر تیاریاں مکمل کر لی گئی ہیں۔
انہوں نے کہا کہ کورونا ویکسین سرٹیفکیٹ رکھنے والے تمام شائقین ہی کرکٹ اسٹیڈیم جا کر ٹی ٹوئنٹی سیریز کا پہلا میچ براہِ راست دیکھ سکیں گے۔
الحمدللہ بہترین انتظامات اور سکیورٹی کیساتھ کرکٹ کی رونقیں لاہور واپس پہنچ رہی ہیں۔
قذافی اسٹیڈیم میں آج سے آغاز ہونے والے T20کرکٹ میچز کےلئےضلعی انتظامیہ کیجانب سے تمام تر تیاریاں مکمل کر لی گئی ہیں۔کورونا ویکسین سرٹیفیکیٹس رکھنےوالے شائقین کو ہی اسٹیڈیم میں جانے کی اجازت ہو گی۔ pic.twitter.com/grSqTA6Gan— Deputy Commissioner Lahore (@DCLahore) October 6, 2021
خیال رہے کہ نیشنل ٹی 20 کا دوسرا مرحلہ آج سے قذافی اسٹیڈیم لاہور میں شروع ہورہا ہے۔8 سال بعد یہ پہلا موقع ہوگا کہ جب لاہور دوبارہ نیشنل ٹی ٹونٹی کے میچز کی میزبانی کرے گا۔اس سے قبل ٹورنامنٹ کا ایڈیشن 13-2012 قذافی اسٹیڈیم لاہور میں کھیلا گیا تھا۔
ٹورنامنٹ کے اٹھارویں ایڈیشن کے ابتدائی 18 میچز پنڈی کرکٹ اسٹیڈیم راولپنڈی میں کھیلے گئے، جہاں تماشائیوں کو سنسنی خیز مقابلے دیکھنے کو ملے۔ ایونٹ کے دوران کرکٹ فینز کو مخصوص تعداد میں اسٹیڈیم میں داخلے کی مکمل اجازت دی گئی جبکہ گھر بیٹھ کر پی سی بی یوٹیوب چینل پر بھی یہ میچز براہ راست دیکھے جاسکتے ہیں۔
مزید پڑھیں: نیشنل ٹی ٹونٹی کا دوسرا مرحلہ بدھ سے لاہور میں شروع
