گوگل نیوز پر ہمیں فالو کریںکراچی: تحریکِ انصاف اور پیپلز پارٹی عوامی مسائل کا ملبہ ایک دوسرے پر ڈالنے میں مصروف ہیں، پی پی پی لوڈ شیڈنگ اور مہنگائی کا ذمہ دار وفاق کو قرار دیتے ہوئے پریس کلب پر آج مظاہرہ کرے گی۔
سماجی رابطے کی ویب سائٹ ٹوئٹر پر اپنے پیغام میں پیپلز پارٹی کراچی ڈویژن کے صدر و وزیرِ تعلیم سندھ سعید غنی نے ایک ویڈیو جاری کی جس میں پیغام دیا گیا ہے کہ پیپلز پارٹی آج پریس کلب پر وفاقی حکومت کے خلاف مظاہرہ کرے گی جس کی سب سے بڑی وجہ کراچی میں ہونے والی لوڈ شیڈنگ ہے۔
شہرِ قائد میں گھنٹوں غیر اعلانیہ لوڈ شیڈننگ جاری ہے، بجلی کے ٹیرف میں اضافے، ٹی وی فیس کے نام پر 200 فیصد اضافے، پٹرولیم مصنوعات کی قیمتوں میں 27 سے 65 فیصد تک اضافے اور گیس اور ادویات سمیت تمام روزمرہ مصنوعات کی قیمتوں میں ہوش ربا اضافے کے خلاف پیپلز پارٹی نے مظاہرے کا اعلان کیا ہے۔
پیپلز پارٹی کراچی ڈویژن کے تحت کراچی پریس کلب پر ہونے والے احتجاجی مظاہرے سے پی پی پی کراچی کے صدر و وزیرِتعلیم سندھ سعید غنی خطاب کریں گے جبکہ عوام الناس کو بھی مظاہرے میں شرکت کی دعوت دی گئی ہے۔ مظاہرہ آج سہ پہر 4 بج کر 30 منٹ پر ہوگا۔
چلو چلو کراچی پریس کلب چلو pic.twitter.com/SWz0zTkNho
— Senator Saeed Ghani (@SaeedGhani1) July 19, 2020
یہ بھی پڑھیں: بارش نے سندھ حکومت کی کارکردگی کا پول کھول دیا۔خرم شیر زمان
