گوگل نیوز پر ہمیں فالو کریںکراچی میں سیمنز چورنگی کے نزدیک واقع فیکٹری کی چھت گر گئی جس کے نتیجے میں 2 افراد جاں بحق جبکہ 4 زخمی ہو گئے ہیں۔
تفصیلات کے مطابق یہ افسوسناک واقعہ کراچی کے علاقے شیر شاہ میں پیش آیا جہاں فیکٹری کی چھت گر گئی جس کی اطلاع ملتے ہی ریسکیو ٹیمیں جائے حادثہ پر پہنچ گئی ہیں اور ملبے تلے دبے افراد کیلئے ریسکیو کا عمل شروع کردیا گیا۔
حادثے کے نتیجے میں 2 افراد جاں بحق جبکہ 4 زخمی ہوئے جنہیں ابتدائی طبی امداد کیلئے ہسپتال منتقل کیا جارہا ہے۔ ملبے تلے مزید افراد کے دبے ہونے کے خدشات ہیں۔ پولیس، رینجرز اور ایدھی سمیت ریسکیو عملہ جائے حادثہ پر موجود ہے۔
