کراچی میں افغان شہریوں کی گنتی، پولیس نے ڈیٹا جمع کرنا شروع کردیا

کراچی: پاکستان میں مقیم غیر قانونی تارکین وطن کو شناختی کارڈز کے اجراء کیلئے پولیس نے افغان شہریوں کا ڈیٹا اکٹھا کرنا شروع کر دیا ہے۔

حکام نے محکمہ پولیس کو ہدایت کی ہے کہ کراچی میں افغان بستیوں کا فوری سروے شروع کرے تاکہ شہر میں مقیم افغان شہریوں کا ڈیٹا اکٹھا کیا جا سکے۔

ذرائع کے مطابق معلومات جمع کرنے کے لیے ہنگامی بنیادوں پر ایک ڈیٹا فارم بھی جاری کیا جا رہا ہے۔فارم میں افغان شہریوں کی گنتی ، خاندان کے افراد کی تعداد اور رہائشی تفصیلات فراہم کی جائیں گی۔

مزید پڑھیں:جعلی کارڈز بنانے والے 47 نادرا ملازمین کو نوکری سے فارغ کردیا گیا، چیئرمین نادرا

ذرائع کے مطابق فارم میں شہر میں قیام کی مدت اور رہائشی حیثیت کے بارے میں بھی سوالات ہیں۔

ذرائع کے مطابق فی الحال نارامیں 120000 غیر ملکی شہریوں کا ریکارڈ ہے،سروے کے بعد پاکستان غیر قانونی تارکین وطن کو شناختی کارڈ جاری کرنا شروع کر دے گا۔

ذرائع کے مطابق پاکستان میں مقیم تارکین وطن کو نیشنل ایلین رجسٹریشن اتھارٹی کارڈ جاری کیے جائیں گے۔

غیر ملکیوں کو تین اقسام میں کارڈ جاری کیے جائیں گے اور ابتدائی مرحلے میں انہیں غیر ملکیوں کے شناختی کارڈ جاری کیا جائے گا۔