فروری میں پیٹرولیم مصنوعات کی پیداوار میں 6.34 فیصد اضافہ

اسلام آباد: پاکستان بیورو آف شماریات کاکہنا ہے کہ فروری 2022 کے دوران پیٹرولیم مصنوعات کی پیداوار میں گزشتہ سال کے مقابلے میں 6 اعشاریہ 34 فیصد اضافہ دیکھا گیا۔

پاکستان بیورو آف شماریات ی رپورٹ کے مطابق پیٹرولیم مصنوعات میں جیٹ فیول بھی شامل ہے جس کی پیداوار میں 27اعشاریہ 29 فیصد اضافہ ہوا۔

اسی طرح مٹی کے تیل کی پیداوار میں 8اعشاریہ 53 فیصد، موٹر اسپرٹ کی پیداوار میں 5اعشاریہ 39 فیصد، ہائی اسپیڈ ڈیزل کی پیداوار میں 6اعشاریہ 94 فیصد، فرنس آئل کی پیداوار میں 2اعشاریہ 2 فیصداور ایل پی جی میں 2اعشاریہ 64 فیصد اضافہ ہوا۔

جن اشیاء کی پیداوار میں منفی اضافہ دیکھا گیا ان میں ڈیزل آئل بھی شامل ہے جس کی پیداوار میں 68اعشاریہ 48 فیصد جبکہ دیگر تمام پیٹرولیم مصنوعات کی پیداوار میں 7اعشاریہ 84 فیصد کمی واقع ہوئی۔

مزید پڑھیں:رواں مالی سال کے دوران ٹیکسٹائل برآمدات میں 25فیصد کا اضافہ

دریں اثنا جولائی تا فروری 2021-22کے دوران پیٹرولیم اشیاء کی مجموعی پیداوار میں مالی سال 2020-21کی اسی مدت کے مقابلے میں صفر اعشاریہ 30 فیصد اضافہ دیکھا گیا۔

یہاں یہ بات قابل ذکر ہے کہ بڑے پیمانے پر مینوفیکچرنگ انڈسٹریز کی مجموعی پیداوار میں رواں مالی سال 2021-22کے پہلے آٹھ ماہ کے دوران گزشتہ سال کی اسی مدت کے مقابلے میں 4.6 فیصد اضافہ ہوا۔

جولائی تا فروری 2021-22کے دوران سب سے زیادہ 3.8 فیصد اضافہ وزارت صنعت کے زیر نگرانی اشاریہ جات میں دیکھا گیا، اس کے بعد صوبائی بورڈ آف سٹیٹسٹکس کے زیر نگرانی اشاریہ جات میں 0.8 فیصد اضافہ دیکھا گیا تاہم اس میں کوئی اضافہ نہیں ہوا۔