گوگل نیوز پر ہمیں فالو کریںراولپنڈی: پاک فوج کے شعبۂ تعلقاتِ عامہ (آئی ایس پی آر) اور انٹر سروسز انٹیلی جنس (آئی ایس آئی) کے سربراہان میجر جنرل بابر افتخار اور لیفٹیننٹ جنرل ندیم احمد انجم کی پریس کانفرنس پر پیپلز پارٹی اور مسلم لیگ (ن) نے تحسین کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں مسلم لیگ (ن) کے ترجمان نے کہا کہ عمران خان کا جھوٹا اور من گھڑت بیانیہ مکمل طور پر زمیں بوس ہوچکا ہے۔ سچ آج پوری قوم کے سامنے ہے۔
حکومت تبدیل کرنیوالے اپنے ہاں رجیم چینج نہیں ہونے دیں گے۔عمران خان
عمران خان کا جھوٹا اور من گھڑت بیانیہ مکمل طور پر زمین بوس ہو چکا ہے۔ سچ آج پوری قوم کے سامنے ہے۔#FitnaKhanExposed
— PMLN (@pmln_org) October 27, 2022
رکنِ پنجاب اسمبلی و ن لیگی رہنما حنا پرویز بٹ کا کہنا ہے کہ اگر آپ کا سپہ سالار میر جعفر ہے تو ماضی قریب میں ان کی تعریفوں کے پل کیوں باندھے گئے؟ آج ڈی جی آئی ایس آئی نے عمران خان کو لاجواب کردیا۔
اگر آپکا سپاسالار میر جعفر ہے تو ماضی قریب میں ان کی تعریفوں کے کیوں پل باندھے گئے، آج ڈی جی آئی ایس آئی نے عمران خان کو لاجواب کر دیا۔۔ pic.twitter.com/owCm4BuEm3
— Hina Parvez Butt (@hinaparvezbutt) October 27, 2022
دوسری جانب وزیرِ خارجہ اور چیئرمین پی پی پی بلاول بھٹو زرداری نے کہا کہ اسٹیبلشمنٹ کو متنازعہ سے آئینی کردار کی طرف منتقل کرنا پاکستان کی ترقی و خوشحالی کیلئے ناگزیر ہے۔
وزیرِ خارجہ نے کہا کہ پیپلز پارٹی نے تین نسلوں سے اسٹیبلشمنٹ کو آئینی کردار کی طرف لانے کیلئے جدوجہد کی ہے۔ ڈی جی آئی ایس آئی اور آئی ایس پی آر کی پریس کانفرنس بے مثال اور تاریخی ہے۔
Transition of establishment from controversial to constitutional role is vital for Pakistans progress & prosperity. PPP has struggled for this for 3 generations. Press conference by DGISI & ISPR is unprecedented & historic. Institutional desire to transition must be encouraged.
— BilawalBhuttoZardari (@BBhuttoZardari) October 27, 2022
چیئرمین پی پی پی بلاول بھٹو زرداری نے کہا کہ اسٹیبلشمنٹ کے کردار کو متنازعہ سے آئینی کردار کی طرف منتقل کرنے کی ادارہ جاتی خواہش کی حوصلہ افزائی کی جانی چاہئے۔
