گوگل نیوز پر ہمیں فالو کریںسیالکوٹ : وزیراعظم کی معاو ن خصوصی برائے اطلاعات ونشریات فردوس عاشق اعوان نے کہاہے کہ شہباز شریف کی ان ہاؤس تبدیلی کی خواہش دیوانے کی بڑھکیں ہیں، لندن کی بیٹھک ایک نئی چال اور حکمت عملی ہے، عوام کی آنکھوں میں دھول جھونکنے والے ناکام ہوں گے۔
نواز شریف پہلے لندن اپارٹمنٹس کی ملکیت سے انکار کرتے رہے، اب سسلین مافیا کہلانے والے گاڈ فادر وہیں پر اجلاس کر رہے ہیں، پاکستان میں مطلوب افراد کو قانون اور عدالتیں بلا رہی ہیں ، سسلین مافیا پاکستان آنے سے انکاری ہے،چھوٹے میاں صاحب قوم کے ساتھ کی گئی ڈکیتیوں کا جواب دیں، نواز اور شہباز شریف کا 18 سوالات پیچھا کرتے رہیں گے۔
مولانا فضل الرحمن اقتدار کے ایوانوں سے پہلی دفعہ باہر ہوئے اس لیے مچھلی کی طرح تڑپ رہے ہیں، عمران خان اور پاکستان لازم وملزوم ہیں، وہی پاکستان کو ترقی کی منازل تک لے کر جائیں گے۔
اتوار کو یہاں میڈیا سے گفتگو کرتے ہوئے انہوں نے کہاکہ نواز شریف لندن اپارٹمنٹس کی ملکیت سے مسلسل انکار کرتے رہے۔معاون خصوصی نے کہاکہ سسیلین مافیا کہلائے جانے والے گاڈ فادر آج اسی پارٹمنٹ میں سیاسی اجلاس کررہے ہیں۔
انہوں نے کہاکہ پاکستان میں مطلوب افراد کو قانون اور عدالتیں بلا رہی ہیں۔انہوں نے کہاکہ سسیلین مافیا پاکستان آنے سے انکاری ہے۔انہوں نے کہاکہ لیڈر کو بیمار کہہ کر ضمانت لینے والے اسی اپارٹمنٹ میں گٹھ جوڑ کر رہے ہیں ،کھربوں کے اپارٹمنٹ میں بیٹھ کر عوام کے درد کی باتیں کر رہے ہیں۔
مزید پڑھیں :عمران خان کی حکومت ناکام، تحریک انصاف کے تمام وزرا نااہل قرار
