عمران خان آر ایس ایس کے فلسفے کی پیروی کر رہے ہیں۔وزیر اعظم شہباز شریف

اسلام آباد: وزیر اعظم شہباز شریف نے پولیس کی چیئرمین پی ٹی آئی کو گرفتار کرنے کی کوشش میں ناکامی پر برہمی کا اظہار کرتے ہوئے کہا ہے کہ عمران خان آر ایس ایس کے فلسفے کی پیروی کر رہے ہیں۔

سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے گزشتہ روز کہا کہ اگر کسی کو کوئی شک ہے تو بتا دیں کہ عمران نیازی لوگوں کو انسانی ڈھال بنا رہے ہیں۔

ٹوئٹر پیغام میں وزیر اعظم شہباز شریف نے کہا کہ عوام کو انسانی ڈھال بنانے سے لے کر پولیس پر پیٹرول بم حملوں اور عدلیہ کو دھمکانے کیلئے جتھوں کی قیادت تک عمران خان کا فاشسٹ اور عسکریت پسند ہونا ظاہر ہے۔

یہ بھی پڑھیں:

آئی ایم ایف سے معاہدہ جلد ہوجائے گا۔ وزیر اعظم

If anyone had any doubt, Imran Niazi's antics of the last few days have laid bare his fascist & militant tendencies. From using people as human shields to throwing petrol bombs at police to leading 'jathas' to intimidate judiciary, he has taken a leaf out of the RSS book.

— Shehbaz Sharif (@CMShehbaz) March 18, 2023

پیغام میں وزیر اعظم شہباز شریف نے چیئرمین پی ٹی آئی کو تنقید کا نشانہ بناتے ہوئے کہا کہ عمران نیازی بھارت کی ہندو انتہا پسند تنظیم آر ایس ایس کی پیروی کر رہے ہیں۔

خیال رہے کہ اس سے قبل وزیر اعظم شہباز شریف نے کہا کہ عالمی مالیاتی فنڈ (آئی ایم ایف) سے اسٹاف لیول کا معاہدہ جلد ہوجائے گا۔حکومت نے ریاست کیلئے سیاست کو خطرے میں ڈال دیا۔

آج سے 3 روز قبل وزیر اعظم شہباز شریف نے اپنے ایک بیان میں کہا کہ ہم نے ریاست کیلئے اپنی سیاست کو داؤ پر لگا دیا۔ حکومت کو آئی ایم ایف کی سخت ترین شرائط کا سامنا ہے۔