گوگل نیوز پر ہمیں فالو کریںبیجنگ:وزیراعظم عمران خان چین کے 4 روزہ دورے پر بیجنگ پہنچ گئے ہیں۔اس موقع پر وزیر اعظم عمران خان کا تاریخی استقبال کیا گیا۔
ذرائع کے مطابق وزیر اعظم عمران خان کا بیجنگ ائیرپورٹ پہنچنے پر چین کے نائب وزیر خارجہ، چینی سفارتی حکام اور چین میں پاکستان کے سفیر معین الحق نے پرتپاک استقبال کیا۔
چین کے تاریخی دورے پر وزیر اعظم عمران خان کے ہمراہ وزیر خارجہ شاہ محمود قریشی، وزیر اطلاعات فواد چوہدری، وزیر خزانہ شوکت ترین اور مشیر برائے تجارت عبدالرزاق داؤد بھی موجود ہیں۔
وزیراعظم کے ساتھ وفاقی وزیر برائے منصوبہ بندی اسد عمر، مشیر برائے قومی سلامتی معید یوسف اور معاون خصوصی برائے سی پیک خالد مصطفیٰ بھی بیجنگ پہنچے ہیں۔
واضح رہے کہ وزیراعظم عمران خان کی چین کے وزیراعظم سے ہفتے کے روز ملاقات طے ہے جب کہ عمران خان کی چین کے صدر شی جن پنگ سے اتوار کو ملاقات ہوگی۔
مزید پڑھیں:وزیراعظم کا دورہ چین پاکستان کی معیشت کیلئے کتنا اہم ہے؟
