گوگل نیوز پر ہمیں فالو کریںوزیر اعظم پاکستان عمران خان احساس آمدن پروگرام کے آغاز کیلئے پنجاب کے شہر لیہ کا دورہ کریں گے جہاں بے روزگاری کے خاتمے کے لیے مستحق افراد کو 60 ہزار تک اثاثہ جات دئیے جائیں گے۔
سماجی رابطے کی ویب سائٹ ٹوئٹر پر احساس پروگرام کی چیئر پرسن و معاونِ خصوصی ثانیہ نشتر نے کہا کہ ضلع لیہ کی کلثوم بی بی کی کہانی اس بات کی دلیل ہے کہ دیہی خواتین مواقع ملنے پر اپنے خاندان کی تقدیر بدل سکتی ہیں۔
احساس پروگرام کی چیئر پرسن ثانیہ نشتر کے مطابق کلثوم بی بی نامی خاتون کو احساس آمدن پروگرام کے تحت کاروبار کے لیے 60 ہزار روپے مالیت کا دکان کا سامان دیا گیا ہے۔
ضلع لیہ کی کلثوم بی بی کی کہانی اس بات کی دلیل ہے کہ اگر دیہی خواتین کو ترقی کے مواقع ملیں تو وہ اپنے خاندان کی تقدیر بدل سکتی ہیں۔ کلثوم بی بی کو احساس آمدن پروگرام کے تحت کاروبار کے لیے 60,000 روپے کا دکان کا سامان دیا گیا ہے۔@Ehsaas_Pk #EhsaasAmdanProgram @MoIB_Official pic.twitter.com/T8SPgWjKz9
— Senator Dr Sania Nishtar (@SaniaNishtar) February 21, 2020
لیہ میں احساس آمدن پروگرام کا افتتاح کرنے کے ساتھ ساتھ وزیر اعظم عمران خان مظفر گڑھ کا دورہ بھی کریں گے جہاں دو رویہ سڑک کا افتتاح کیا جائے گا۔
مظفر گڑھ سے ڈی جی خان تک دو رویہ سڑک کے افتتاح کے بعد وزیر اعظم عمران خان طیب اردوان ہسپتال کا دورہ اور ہسپتال انتظامیہ و طبی عملے سے ملاقات کریں گے۔
یاد رہے کہ اس سے قبل وزیراعظم عمران خان نے کہا کہ اگر غریب کا احساس نہیں کر سکتے توحکومت میں رہنے کاحق نہیں۔ غریب کی بہتری کے لئے ہی حکومت میں آئے ہیں۔
دو ہفتے قبل وزیراعظم عمران خان کی زیر صدارت اعلیٰ سطح اجلاس ہوا جس میں عوامی ریلیف کے حوالے سے آٹا ،گھی، چینی، چاول اور دالوں کی قیمتیں کم کرنے کا فیصلہ کیا گیا۔
مزید پڑھیں: غریب کا احساس نہ کرنے پر حکومت کاحق نہیں۔ وزیراعظم
