گوگل نیوز پر ہمیں فالو کریںاسلام وزیرِ اعظم عمران خان نے فیصلہ کیا ہے کہ کورونا وائرس کے باعث لاک ڈاؤن کے دوران ملک میں مخیّر حضرات اور ویلفیئر اداروں کیلئے ایک ایپ تیار کی جائے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کی معاونِ خصوصی ڈاکٹر فردوس عاشق اعوان نے ایپ متعارف کروانے کے فیصلے کی تفصیلات سے آگاہ کیا۔
پیغام میں معاونِ خصوصی فردوس عاشق اعوان نے کہا کہ تحریکِ انصاف کے کور کمیٹی اجلاس کے دوران ایک ایپ متعارف کرانے کا فیصلہ ہوا جہاں مخیّر حضرات اور ویلفیئر ادارے رجسٹر ہوں گے۔
معاونِ خصوصی فردوس عاشق اعوان نے کہا کہ ایپ عوامی فلاحی کاوشوں کو ہم آہنگ کرکے نچلے طبقے تک راشن اور اشیائے خوردونوش کی بروقت تقسیم میں معاون ثابت ہوگی۔
کور کمیٹی اجلاس میں ایک ایپ متعارف کرانےکافیصلہ ہوا جہاں مخیر حضرات اور چیرٹی ادارے رجسٹر ہوں گے۔تاکہ عوامی فلاحی کاوشوں کو ہم آہنگ کر کے نچلے طبقے تک راشن اور اشیاء خوردونوش کی تقسیم بروقت اور منصفانہ انداز سے پہنچائی جاسکے۔#COVID2019 #StaySafeStayHome #PMIK pic.twitter.com/yqGfYJ341I
— Dr. Firdous Ashiq Awan (@Dr_FirdousAwan) March 30, 2020
وزیرِ اعظم کے اقدام کی تعریف کرتے ہوئے معاونِ خصوصی فردوس عاشق اعوان نے کہا کہ اشیائے ضروریہ اور راشن غریب اور مستحق افراد کے گھر پہنچانے کے لیے عمران خان نے نوجوانوں کا انتخاب کیا۔
ڈاکٹر فردوس عاشق اعوان نے کہا کہ حکومت نے مخیّر حضرات کی خدمات کو بھی شامل کرنے کا فیصلہ کیا ہے۔ یہ جذبوں اور وسائل کا حسین امتزاج ہوگا۔
فردوس عاشق اعوان نے کہا کہ نوجوان ہمیشہ ملک میں تبدیلی کا ہراول دستہ بنے جبکہ مخیّر حضرات نے ہمیشہ عوام کی فلاح وبہبود کے لیے اپنا دل کھول کر رکھ دیا۔
نوجوان ملک میں تبدیلی کا ہراول دستہ بنے تو مخیر حضرات نے ہمیشہ عوام کی فلاح کیلئے اپنا دل کھول کر رکھ دیا۔2/2#StaySafeStayHome
— Dr. Firdous Ashiq Awan (@Dr_FirdousAwan) March 30, 2020
