گوگل نیوز پر ہمیں فالو کریںوزیر اعظم پاکستان عمران خان نے کینیڈین ہم منصب جسٹن ٹروڈو کو دوبارہ الیکشن جیتنے پر مبارکباد پیش کرتے ہوئے کہا ہے کہ ہم منتظر ہیں کہ کب آپ کے ساتھ کام کا موقع ملے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں عمران خان نے کینیڈین وزیر اعظم جسٹن ٹروڈو کو مبارکباد دیتے ہوئے ساتھ کام کی خواہش کا اظہار کیا۔
یہ بھی پڑھیں: امریکا نے خاموشی سے افغانستان میں فوجیوں کی تعداد کم کر دی
Congratulations to Justin Trudeau for winning the elections in Canada. I look forward to working with him.
— Imran Khan (@ImranKhanPTI) October 22, 2019
واضح رہے کہ کینیڈا کا انتخابی نظام پاکستان کے مقابلے میں بالکل الگ ہے جہاں اراکین قومی اسمبلی وزیر اعظم کے انتخاب کے لیے ووٹ ڈالتے ہیں جبکہ کینیڈا میں الیکشن جیتنے والی پارٹی کا سربراہ وزیر اعظم کا منصب سنبھالتا ہے۔
اس سے قبل کینیڈا کی کنزرویٹو پارٹی اور لبرل پارٹی کے درمیان کانٹے کا مقابلہ ہوا جس میں جسٹن ٹروڈو کی لبرل پارٹی نے واضح برتری حاصل کی۔
یاد رہے کہ اس سے قبل صدرِ پاکستان ڈاکٹر عارف علوی نے کہا کہ مسئلہ کشمیر کے پائیدار حل کے بغیر برصغیر اور جنوبی ایشیا سمیت خطے میں دیر پا امن کا قیام ممکن نہیں، جبکہ وادی کی صورتحال تشویشناک ہے۔
صدر ڈاکٹر عارف علوی نے جاپانی فرماں روا کی طرف سے پاکستان سمیت مختلف ممالک کے سربراہان اور حکومتی نمائندوں کے اعزاز میں دئیے گئے عشائیے میں شرکت کے دوران اہم ملکی و بین الاقوامی امور پر گفتگو کی۔
مزید پڑھیں: مسئلہ کشمیر کے حل کے بغیر خطے میں دیرپا امن ممکن نہیں۔صدرِ مملکت
