گوگل نیوز پر ہمیں فالو کریںوزیر اعظم پاکستان عمران خان نے تحریکِ انصاف کی کور کمیٹی کا اہم اجلاس آج وفاقی دارالحکومت اسلام آباد میں طلب کر لیا ہے جس کے دوران اپوزیشن کے آزادی مارچ پلان سی پر تبادلۂ خیال کیا جائے گا۔
دارالحکومت اسلام آباد میں آج ہونے والے اہم اجلاس کے دوران وزیر اعظم عمران خان کو ملکی سیاسی صورتِ حال پر بریفنگ دی جائےگی جبکہ فارن فنڈنگ کیس پر بھی گفتگو ہوگی۔
یہ بھی پڑھیں: نوازشریف کے سہولت کار کی بیماری کا پتہ ہونا چاہیے، فردوس عاشق اعوان
وزیر اعظم عمران خان میڈیا سے متعلق حکومتی حکمتِ عملی پر حکومتی ترجمانوں سے مشاورت کریں گے جبکہ معاشی ٹیم کی کامیابیاں بھی گفتگو کا حصہ بنیں گی۔
عمران خان کی رہائش گاہ بنی گالہ میں ہونے والے اجلاس کے دوران اجلاس میں شریک ہونے والے سینئر مرکزی پی ٹی آئی رہنما اپوزیشن کی حکمتِ عملی کا جواب دینے کے لیے حکومتی لائحہ عمل پرتجاویز دیں گے۔
کور کمیٹی اجلاس میں پارٹی منشور پر عمل درآمد کے لیے لائحۂ عمل طے کیا جائے گا جبکہ گزشتہ اجلاس میں دئیے گئے وزیر اعظم عمران خان کے احکامات پر عمل درآمد پر ابتدائی رپورٹ پیش کی جائے گی۔
سہ پہر 3 بجے ہونے والے اجلاس کے دوران نوازشریف کی بیرونِ ملک روانگی، گورننس سمیت قومی نوعیت کے معاملات نوازشریف کی صحت کی رپورٹس ،پولیس ریفارمز، گورننس ریفارمز اور پارلیمانی سیاست پر مشاورت کی جائے گی۔
کور کمیٹی کے اجلاس میں چیئرمین پبلک اکاؤنٹس کمیٹی اور الیکشن کمیشن کے ممبران کی تقرری پر بھی مشاورت ہوگی، کور کمیٹی پی ٹی آئی منشور پر عمل درآمد سے متعلق حکمت عملی طے کرے گی، کور کمیٹی اجلاس میں اہم فیصلوں کا امکان ہے۔
یاد رہے کہ اس سے قبل میانوالی میں اسپتال کا سنگ بنیاد رکھنے کی تقریب سے خطاب کرتے ہوئے وزیراعظم عمران خان کاکہناتھا کہ نواز شریف کو لندن روانگی کے لیے جہاز پرچڑھتے دیکھا توحیران رہ گیا اورپھر ڈاکٹرز کی رپورٹ یاد آ گئی۔اتنی بیماریوں کے باوجود بھی یہ مریض ایک دم کیسے ٹھیک ہوگیا؟
یہ بھی پڑھیں: نوازشریف کو جہازپرچڑھتے دیکھا توحیران رہ گیا، وزیراعظم
