گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے کورونا وائرس کی روک تھام کیلئے نافذ لاک ڈاؤن کے دوران سمندر پار پاکستانیوں کے کردار کی تعریف کی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ عالمی پروازوں کیلئے کل جزوی طور پر ائیر اسپیس کھول دیں گے جبکہ یہ اقدام خاص طور پر سمندر پار کام کرنے والے پاکستانیوں کیلئے اٹھایا جارہا ہے جو کورونا وائرس اور لاک ڈاؤن کے باعث سب سے زیادہ متاثر ہوئے۔
پیغام میں وزیرِ اعظم عمران خان نے کہا کہ مشکلات اور لاک ڈاؤن کے باعث پریشانی کے باوجود سمندر پار پاکستانیوں نے عظیم ہمت و حوصلے سے کام لیا اور ہمارے سر فخر سے بلند کردئیے۔ پاکستان آپ کو وطن واپسی پر خوش آمدید کہتا ہے اور ہماری حکومت ہر طریقے سے سمندر پار پاکستانیوں کیلئے سہولیات کا اہتمام کرے گی۔
Tomorrow we will partially open airspace for intl flights.This is being done specially to help our Overseas workers who have suffered most in this pandemic but have shown great courage & made us proud. We welcome you back home & our govt will facilitate you in every way.
— Imran Khan (@ImranKhanPTI) June 20, 2020
سمندر پار پاکستانیوں کی تعریف کرتے ہوئے وزیرِ اعظم عمران خان نے کہا کہ سمندر پار ہم وطنوں نے کورونا وباء کے دوران اپنے بھائی بہنوں کی امداد کیلئے جو زبردست کردار ادا کیا ہے، اس پر وہ خراجِ تحسین کے مستحق ہیں جبکہ سمندر پار پاکستانیوں کی ایسی بے شمار مثالیں موجود ہیں۔
وزیرِ اعظم عمران خان نے کہا کہ سمندر پار پاکستانیوں نے جس طرح مدد کی، اس کی بے شمار مثالوں میں وہ ہمارے لیے مشعلِ راہ کی حیثیت رکھتے ہیں کیونکہ وہ ضرورت مندوں کی مدد میں مصروف رہتے ہیں۔
I appreciate the philanthropic role played by the Overseas Pakistani community in helping their brothers & sisters abroad during Covid19. There are many examples where the Pakistani community has been a source of inspiration, helping those around in need.
— Imran Khan (@ImranKhanPTI) June 20, 2020
یہ بھی پڑھیں: احساس کیش پروگرام میں سندھ کا حصہ 8.55 فیصد بڑھا دیا گیا
