پاکستان تحریک انصاف کے رہنما عمران اسماعیل نے کہا ہے کہ سیلاب زدگان کے لیے آنے والے امدادی سامان کے جہاز پیپلز پارٹی ہضم کررہی ہے۔
سماجی رابطے کی ویب سائٹ ٹوئٹر پر اپنے پیغام میں سابق گورنر سندھ عمران اسماعیل نے کہا کہ بلاول حکومت کی بہتری صرف ان کی اپنی دولت میں آئی ہے، وہ جب سے وزیر خارجہ بنے ہیں صرف 7 دن ہی پاکستان میں رہے ہیں۔
بلاول حکومت کی بہتری صرف ان کی اپنی دولت میں آئی ہے جب سے وزیرخارجہ بنے ہیں صرف 7 دن پاکستان رہےہیں بلاول اور اتحادی بیرونی طاقتوں سے ڈرتے ہیں عمران خان نہیں، الیکشن سے بھاگنے کے لیے سندھ کو ڈبونے والے بلاول اپنے قد سے بڑی باتیں کررہے ہیں سیلاب زدگان کے جہاز تو پی پی ہضم کررہی ہے
— Imran Ismail (@ImranIsmailPTI) September 29, 2022
ٹوئٹر پیغام میں عمران اسماعیل نے کہا کہ عمران خان نہیں بلکہ بلاول اور اتحادی بیرونی طاقتوں سے ڈرتے ہیں۔
انہوں نے مزید کہا کہ الیکشن سے بھاگنے کے لیے سندھ کو ڈبونے والے بلاول اپنے قد سے بڑی باتیں کررہے ہیں، سیلاب زدگان کے جہاز تو پی پی ہضم کررہی ہے۔