گوگل نیوز پر ہمیں فالو کریںپاکستان کرکٹ بورڈ (پی سی بی) نے آئی سی سی انڈر 19 کرکٹ ورلڈ کپ کے لیے قومی انڈر19 ٹیم کے لیے 2 طرح کی کٹ کی رونمائی کردی ہے، جہاں ملک اور بیرون ملک کھیلنے کے لیے کٹ کی رونمائی کی گئی ہے۔
قومی انڈر نائنٹین کھلاڑیوں نے نئی کٹ کے ساتھ قذافی اسٹیڈیم لاہور میں تصاویر بھی بنوائیں ہے، انڈر19 ورلڈ کپ کی کٹ گزشتہ سال ورلڈ کپ میں قومی سینئر ٹیم کی کٹ سے مشابہت رکھتی ہے جو سبز رنگ کی ہے اور اس پر سفید رنگ سےنام درج کیے گئے ہیں۔
ورلڈ کپ کے لیے پاکستان کی ہوم اور اوے دو کٹ جاری کی گئی ہیں اور اوے میچوں کی کٹ پیلے اور ہرے رنگ کی ہے جس میں شرٹ پر پیلے کا امتزاج نمایاں ہے،آئی سی سی انڈر نائٹین کرکٹ ورلڈکپ 17 جنوری جنوری سے نو فروری تک جنوبی افریقہ میں کھیلا جائے گا جس میں قومی ٹیم کی قیادت روہیل نذیر کریں گے۔
پاکستان کی ٹیم عالمی کپ کے گروپ سی میں موجود ہے جہاں وہ 19جنوری کو اسکاٹ لینڈ کے خلاف میچ سے ایونٹ میں اپنی مہم کا آغاز کرے گی، اس کے بعد پاکستانی ٹیم کا اگلا میچ 22جنوری کو زمبابوے اور پھر گروپ کا آخری میچ 24جنوری کو بنگلہ دیش کے خلاف کھیلے گی۔
یہ بھی پڑھیں: بگ بیش لیگ میں پاکستانی فاسٹ باؤلر حارث رؤف کی شاندار ہیٹ ٹرک
