گوگل نیوز پر ہمیں فالو کریںفلسطینی صحافی اور سماجی کارکن بسان عاطف عودہ نے 2024 کا نیوز اینڈ ڈاکومینٹری ایمی ایوارڈ برائے شاندار ہارڈ نیوز فیچر جیت لیا۔
یہ کامیابی ٹیلی ویژن اکیڈمی کی طرف سے نامزدگی کو کالعدم قرار دینے کی مہم کے صرف پانچ دن بعد حاصل ہوئی ہے۔
دستاویزی فلم اسرائیل حماس جنگ کے دوران غزہ میں عودہ کی روزمرہ کی زندگی پر مرکوز ہے، سال کے شروع میں اسی پروجیکٹ نے پیبوڈی ایوارڈ حاصل کیا تھا۔
تعریف کے باوجود بسان عودہ کی نامزدگی کو تنازعہ کا سامنا کرنا پڑا، جس میں یہودی غیر منفعتی تخلیقی کمیونٹی برائے امن نے اس کی مخالفت کی اور دعویٰ کیا کہ وہ پاپولر فرنٹ فار دی لبریشن آف فلسطین سے وابستہ ہے، جسے امریکہ نے دہشت گرد تنظیم کے طور پر نامزد کیا ہے۔
بسان عودہ سوشل میڈیا پلیٹ فارمز جیسے انسٹا گرام پر 47 لاکھ جبکہ ٹک ٹاک پر 191500فالوورز رکھتی ہیں۔
