کورونا ویکسین کی 2 خوراک لگوانے والے پاکستانی یورپ میں داخل ہوسکیں گے

لندن:کورونا ویکسین کی 2 خوراک لگوانے والے پاکستانی اور دیگر ممالک کے شہریوں کو یورپ میں داخلے کی اجازت ہوگی۔

برطانوی میڈیا کے مطابق یورپی یونین نے فیصلہ کیا ہے کہ ویکسین کی 2 خوراکیں لگوانے والوں کو یورپی ممالک میں داخلے کی اجازت دی جائے۔

حتمی اعلان کے بعد پاکستان سمیت دیگر ممالک کے شہری جن کے پاس کورونا ویکسین کی 2 خوراکیں لگوانے کا سرٹیفکیٹ ہوگا وہ یورپی یونین کے ممالک میں بلا روک ٹوک داخل ہوسکیں گے۔

انہیں کوویڈ 19 کے ٹیسٹ یا 14 دن کے قرنطینہ کی ضرورت نہیں ہوگی تاہم یورپی یونین کے رکن ممالک انفرادی طور پر بھی اس حوالے سے فیصلہ لے سکتے ہیں کہ مسافروں کو ویکسین کے بعد داخل ہونے دیا جائے۔

یا پھر انہیں کوویڈ ٹیسٹ اور قرنطینہ کی شرط پوری کرنی ہوگی۔رپورٹ کے مطابق رواں ہفتے یورپی یونین کے بیشتر ملکوں میں زندگی نارمل ہونے کی امید ہے۔

مزید پڑھیں:کے الیکٹرک نے ملازمین کی سہولت کیلئے کورونا ویکسینیشن سینٹر قائم کردیا