گوگل نیوز پر ہمیں فالو کریںملتان کرکٹ اسٹیڈیم میں جاری پہلے ٹیسٹ میچ کے دوران پاکستانی اسپنر ساجد خان نے ویسٹ انڈیز کی ابتدائی بیٹنگ لائن تباہ کرتے ہوئے صرف 10 رنز دے کر چار وکٹیں حاصل کیں۔
پاکستانی ٹیم اپنی پہلی اننگز میں 230 رنز پر آؤٹ ہو گئی تھی، جس کے جواب میں ویسٹ انڈیز کی ٹیم 26 کے مجموعی اسکور پر اپنی ابتدائی چار وکٹیں گنوا بیٹھی۔
ساجد خان نے صرف 4 اوورز میں ویسٹ انڈیز کے ابتدائی چار بلے بازوں کو پویلین واپس بھیج دیا۔ ان کی شاندار کارکردگی نے پاکستان کو میچ میں برتری دلا دی۔
پاکستان کی ٹیم دوسری اننگز کے دوسرے دن 230 رنز پر آؤٹ ہوئی۔ سعود شکیل نے سب سے زیادہ 84 رنز بنائے، جب کہ محمد رضوان 71 رنز بنا کر آؤٹ ہوئے۔
ویسٹ انڈیز کی جانب سے جےڈن سیلز نے 27 رنز کے عوض 3 وکٹیں حاصل کیں، جب کہ جومیل ووریکن نے 3 وکٹیں 69 رنز کے بدلے لیں۔ کیون سنکلیئر نے بھی دو وکٹیں 61 رنز کے عوض حاصل کیں۔
بھارتی سپر اسٹار ویرات کوہلی کی چیمپئنز ٹرافی میں شرکت مشکوک
ملتان کے دھند بھرے موسم کے باعث میچ کی شروعات میں تاخیر ہوئی۔ دوسرے دن پاکستانی ٹیم نے 143-4 سے اپنی اننگز کا آغاز کیا لیکن جلد ہی اس کی بیٹنگ لائن لڑکھڑا گئی۔ سعود شکیل اور محمد رضوان نے پانچویں وکٹ کے لیے 141 رنز کی اہم شراکت قائم کی لیکن اس کے بعد ٹیم صرف 87 رنز کے اندر اپنی باقی چھ وکٹیں گنوا بیٹھی۔
سعود شکیل نے 157 گیندوں پر 84 رنز بنائے، جن میں 6 چوکے شامل تھے، جب کہ رضوان نے 133 گیندوں پر 71 رنز بنائے اور ان کی اننگز میں 9 چوکے شامل تھے۔
کیون سنکلیئر نے سعود شکیل کو آؤٹ کر کے پاکستان کی بیٹنگ لائن میں ہلچل پیدا کی۔ اس کے بعد جومیل ووریکن نے سلمان آغا اور ساجد خان کو آؤٹ کیا۔ نمان علی رن آؤٹ ہو گئے، جب کہ رضوان کو سنکلیئر نے ایل بی ڈبلیو کر دیا۔
پاکستان کی پہلی اننگز کے جواب میں ویسٹ انڈیز نے 26 رنز پر اپنی ابتدائی چار وکٹیں گنوا دی ہیں اور میچ پاکستان کے کنٹرول میں دکھائی دے رہا ہے۔یہ میچ پاکستانی بولرز کی شاندار کارکردگی اور ویسٹ انڈیز کی کمزور بیٹنگ لائن کی وجہ سے دلچسپ مرحلے میں داخل ہو چکا ہے۔
