گوگل نیوز پر ہمیں فالو کریںقومی کرکٹ ٹیم اور زمبابوے کے درمیان ٹی ٹوئنٹی سیریز کا تیسرا اور فیصلہ کن میچ آج کھیلا جائے گا جبکہ دونوں ممالک کے مابین سیریز 1، 1 سے برابر ہوچکی ہے۔
تفصیلات کے مطابق ٹی ٹوئنٹی سیریز کا پہلا میچ پاکستان نے جبکہ دوسرا زمبابوے نے جیتا۔ ٹی ٹوئنٹی سیریز کا تیسرا فیصلہ کن میچ پاکستانی وقت کے مطابق آج دن 2 بجے شروع ہوگا۔
تیسرے فیصلہ کن میچ کے بعد ٹی ٹوئنٹی سیریز ختم ہوجائے گی۔ کورونا کے پھیلاؤ کے خدشات کے پیشِ نظر کرکٹ کے شائقین میچ صرف ٹی وی اسکرین پر دیکھ سکیں گے۔ تماشائیوں کو اسٹیڈیم میں بیٹھ کر میچ دیکھنے کی اجازت نہیں ہوگی۔
یاد رہے کہ اِس سے قبل دوسرے ٹی ٹوئنٹی میں زمبابوے نے پاکستان کو 19رنز سے شکست دے دی۔3 ٹی ٹوئنٹی میچز کی سیریز کے دوسرے میچ میں زمبابوے نے پاکستان کو 19 رنز سے ہراکر سیریز 1-1 سے برابر کردی۔
زمبابوے نے پہلے بیٹنگ کرتے ہوئے 2 روز قبل کھیلے گئے میچ میں مقررہ 20 اوورز میں 118 رنز بنائے۔ پاکستان کی پوری ٹیم صرف 99 رنز پر آؤٹ ہو کر شکست کھا گئی۔ پاکستان کی جانب سے اننگز کا آغاز محمد رضوان اور بابر اعظم نے کیا۔
مزید پڑھیں: دوسرے ٹی ٹوئنٹی میں زمبابوے کے ہاتھوں پاکستان کو 19رنز سے شکست
