کورونا وائرس: پاکستان میں مذہبی اجتماعات ملتوی، خطبہ جمعہ محدود کرنیکا فیصلہ

اسلام آباد :ملک میں کورونا وائرس کے تیزی سے پھیلاؤ کے تناظر میں آل پاکستان علماء کونسل نے تمام مذہبی اجتماعات کو فوری طور پر ملتوی کرنے کا مشترکہ فتویٰ جاری کردیا ہے۔

کونسل نے ملک بھر کی مساجد میں خطبہ جمعہ کو محدود کرنے کا فیصلہ کیا ہے جبکہ نماز کے وقت فاصلہ برقرار رکھنے کے علاوہ مساجد انتظامیہ کو مشورہ دیا ہے کہ نماز سے پہلے اور بعد میں فرش کوباقاعدگی سے صاف کیا جائے۔

فتویٰ میں لوگوں کے لئے کچھ عمومی ہدایات کی بھی نشاندہی کی گئی ہے جن میں آیات کی تلاوت کرنا ، مصافحہ کرنے سے بچنا شامل ہے ، بیمار اور بوڑھوں کو گھر میں نماز ادا کرنی چاہئے اور مساجد کے وضو علاقوں میں صفائی کو یقینی بنایا جانا چاہئے۔

مزید پڑھیں:لاہور میں کورونا وائرس کے پانچ نئے کیس رپورٹ ،پاکستان میں تعداد 193 ہوگئی

وزیر مذہبی امور اور اسلامی نظریاتی کونسل کا پیغام متعلقہ رہنماؤں تک پہنچ گیا ہے جس کے بعد کورونا وائرس کے تناظر میں دینی خدمات کے موثر انتظام کے حوالے سے کام شروع کردیا گیا ہے۔