گوگل نیوز پر ہمیں فالو کریںاسلام آباد: پاکستان نے مصر میں المناک ٹرین حادثے پر افسوس کا اظہار کرتے ہوئے متاثرین اور جاں بحق افراد کے لواحقین سے یکجہتی کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ نے کہا کہ ہم مصر میں افسوسناک ٹرین حادثے پر اپنی دلی ہمدردی اور گہرے رنج کا اظہار کرتے ہیں۔
ترجمان دفترِ خارجہ نے کہا کہ ہماری نیک تمنائیں اور تمام تر دعائیں مصر کی حکومت، عوام اور حادثے میں جاں بحق افراد کے لواحقین کے ساتھ ہیں اور ہماری دعا ہے کہ زخمی افراد جلد سے جلد صحتیاب ہوں۔
We convey our deepest sympathies on the tragic train accident in #Egypt. Our thoughts and prayers are with the government, the brotherly people of Egypt and the families of those who have lost their lives. We wish quick recovery to the injured.@MfaEgypt @PakinEgypt
— Ministry of Foreign Affairs – Pakistan (@ForeignOfficePk) April 19, 2021
یاد رہے کہ اِس سے قبل مصر کے صوبے قلیوبیہ میں مسافر بردار ٹرین کو حادثہ پیش آگیا جس کے نتیجے میں 16 افراد جاں بحق جبکہ 100 سے زائد افراد زخمی ہوئے۔
گزشتہ روز مصر میں پیش آنے والے حادثے کے نتیجے میں مسافر ٹرین کی 8 بوگیاں پٹڑی سے اتر گئیں۔ حادثے کے نتیجے میں 16 افراد جان کی بازی ہار گئے جبکہ 100 سے زائد زخمی ہوئے جنہیں ہسپتال منتقل کردیا گیا۔
مزید پڑھیں: مصر میں ٹرین کی بوگیاں پٹڑی سے اتر گئیں، 16 افراد جاں بحق، 100سے زائد زخمی
