پاکستان اسٹاک مارکیٹ میں تیزی برقرار 41ہزار786پوائنٹس کی سطح پر پہنچ گیا

کراچی : پاکستان اسٹاک مارکیٹ میں آج بھی تیزی کارجحان برقرار رہا اورکے ایس ای100انڈیکس123.78پوائنٹس کے اضافے کے ساتھ41ہزار786پوائنٹس کی سطح پر پہنچ گیا۔

خصوصی عدالت کی جانب سے سابق صدر جنرل پرویز مشرف کو سزائے موت دینے کے فیصلے کا اثر پاکستان اسٹاک مارکیٹ پر بھی نظر آیا اور اسٹاک مارکیٹ میں 339پوائنٹس کی کمی ہوئی۔

تاہم مارکیٹ کے اختتام تک منفی اثر میں کمی دیکھنے میں آئی اور100انڈیکس میں کل کے مقابلے123.8پوائنٹس کا اضافہ ریکارڈکیا گیا اور انڈیکس 41ہزار786پوائنٹس کی سطح پر بند ہوا۔

یہ بھی پڑھیں: اسٹاک مارکیٹ میں پرویز مشرف کی سزا کے باعث مندی ، 339 پوائنٹس کی کمی

کے ایس ای30انڈیکس 117.33پوائنٹس کے اضافے کے ساتھ 19ہزار86پوائنٹس کی سطح پر بند ہوا اور کے ایس ای آل شیئرز 51.44 پوائنٹس کی کمی کے ساتھ 29 ہزار820پوائنٹس کی سطح پر بندا ہوا ۔

گزشتہ روز100انڈیکس 728.29پوائنٹس کے اضافے کے ساتھ 41ہزار644پوائنٹس کی سطح پرپہنچ گیا تھا جبکہ کے ایس ای 30 انڈیکس 349.73پوائنٹس کے اضافے سے18ہزار969پوائنٹس اور کے ایس ای آل شیئرز انڈیکس 551.75پوائنٹس کے اضافے سے 29ہزار871 پوائنٹس پر بند ہواتھا۔