گوگل نیوز پر ہمیں فالو کریںپاکستان اسٹاک مارکیٹ میں آج کاروباری روز کے دوران پورا دن پرافٹ ٹیکنگ کا رجحان جاری رہا۔
اسٹاک مارکیٹ میں کاروبار کے اختتام پر 211 پوائنٹس کی کمی ریکارڈ کی گئی، کاروبار کے اختتام پر مارکیٹ 66 ہزار 12 پوائنٹس پر بند ہوئی۔
مارکیٹ میں 29 ارب روپے کے 1 ارب 18 کروڑ حصص کا کاروبار ہوا۔مارکیٹ میں 159 کمپنیوں کے حصص میں اضافہ جبکہ 224کمپنیوں کے حصص میں کمی ہوئی۔
دوسری جانب پاکستان میں آج کاروباری روز کے دوران سونے کی فی تولہ قیمت میں 200 روپے کی کمی ہوئی ہے۔
آل پاکستان جیمز اینڈ جیولرز ایسوسی ایشن کا اس حوالے سے کہنا ہے کہ پاکستان میں 24 قیراط کا سونا 200 روپے کی کمی کے بعد 2 لاکھ 15 ہزار 400 روپے فی تولہ ہوگیا۔
رپورٹ کے مطابق 171 روپے کی کمی کے بعد 24 قیراط کا 10 گرام سونا ایک لاکھ 84 ہزار 671 روپے کا ہوگیا ہے۔
آل پاکستان جیمز اینڈ جیولرز ایسوسی ایشن کے مطابق عالمی بازار میں سونے کا بھاؤ 6 ڈالرز کم ہو کر 2018 ڈالرز فی اونس ہوگیا ہے۔
