گوگل نیوز پر ہمیں فالو کریںپاکستان اسٹاک ایکسچینج میں آج کاروباری روز کے دوران 100 انڈیکس 68.75 پوائنٹس گر گیا، کے ایس ای 100انڈیکس گزشتہ روز کے 40,220.80 پوائنٹس کے مقابلے 40,152.05 پوائنٹس پر بند ہوا۔
گزشتہ روز کے 97,020,043 شیئرز کے مقابلے میں آج کاروباری روز کے دوران کل 116,478,645 حصص کا کاروبار ہوا جبکہ حصص کی قیمت 2.560 ارب روپے رہی۔
اسٹاک مارکیٹ میں 309 کمپنیوں نے اپنے حصص کا لین دین کیا۔ ان میں سے 106 کمپنیوں کے حصص کی قیمتوں میں اضافہ اور 169 میں مسلسل کمی جبکہ 34 کمپنیوں کے حصص کی قیمتوں میں کوئی تبدیلی نہیں ہوئی۔
یونی لیور فوڈز کی فی حصص قیمت میں 1,450.90 روپے کا زیادہ سے زیادہ اضافہ دیکھا گیا جو کہ 23,449.90 روپے پر بند ہوا، جبکہ دوسرے نمبر پر محمود ٹیکس رہا جس کی فی حصص قیمت میں 28.85 روپے کے اضافے کے ساتھ 648.85 روپے ہو گئی۔
مزید پڑھیں:قربانی کے جانوروں کی قیمتیں گزشتہ سال کے مقابلے دوگنی ہوگئیں
نیسلے پاکستان میں زیادہ سے زیادہ 202.50 روپے فی حصص کی کمی دیکھی گئی جو 6,447.50 روپے پر بند ہوئی۔ اس کے بعد باٹا (پاک) روپے 57.00 کمی کے ساتھ 1,693.00 روپے پر بند ہوا۔
