ملک بھر میں کورونا کے 98نئے کیسز رپورٹ، 85 مریضوں کی حالت تشویشناک

اسلام آباد: ملک بھر میں کورونا کے 98نئے کیسز رپورٹ ہوئے ہیں، گزشتہ 24 گھنٹوں کے دوران وائرس کے باعث کسی ہلاکت کی اطلاع نہیں تاہم 85 مریضوں کی حالت تشویشناک ہے جنہیں انتہائی نگہداشت میں رکھا جارہا ہے۔

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 71 ہزار 628افراد کورونا سے متاثر جبکہ وائرس کے باعث  30 ہزار 604جاں بحق ہوئے۔ شرحِ اموات 1.9فیصد پر برقرار ہے۔

یہ بھی پڑھیں:

شوگر کے متعلق سائنسدانوں کی نئی تحقیق سامنے آگئی

گزشتہ 24 گھنٹوں کے دوران کورونا کی تشخیص کیلئے 14ہزار 467 ٹیسٹ کیے گئے جبکہ مثبت کیسز کا تناسب 0.68 فیصد رہا۔ ٹیسٹس کی مجموعی تعداد 3 کروڑ 3 لاکھ 53 ہزار 254 ہوگئی جبکہ کورونا کے 85مریض انتہائی نگہداشت میں ہیں۔

COVID-19 Statistics 16 September 2022
Total Tests in Last 24 Hours: 14,467
Positive Cases: 98
Positivity %: 0.68%
Deaths: 00
Patients on Critical Care: 85

— NIH Pakistan (@NIH_Pakistan) September 16, 2022

گزشتہ روز تک کے اعدادوشمار کے مطابق ملک بھر میں 1روز کے دوران 279مریضوں نے کورونا کو شکست دے دی جس سے صحتیاب افراد کی تعداد 15 لاکھ 35 ہزار388 تک جا پہنچی جبکہ فعال کیسز5 ہزار 538 رہ گئے۔ وائرس سے سب سے زیادہ پنجاب اور سندھ متاثر ہوئے۔

جمعرات تک سندھ میں کورونا سے 5لاکھ 93 ہزار 867افراد متاثر جبکہ 8 ہزار 238 جاں بحق ہوئے۔ پنجاب میں 5لاکھ 21 ہزار 917شہری متاثر جبکہ 13 ہزار 611 انتقال کر گئے۔ وائرس سے متاثرہ تیسرا سب سے بڑا صوبہ خیبر پختونخوا رہا۔

خیبر پختونخوا میں کورونا سے 2لاکھ 24 ہزار53 افراد متاثر جبکہ 6ہزار 362 جاں بحق ہوئے۔ اسلام آباد میں 1 لاکھ 39ہزار358افراد کورونا سے متاثر جبکہ 1 ہزار 31جاں بحق ہوئے۔ آزاد کشمیر میں 44 ہزار 309 کورونا کیسز رپورٹ ہوئے۔

آزاد جموں و کشمیر میں وائرس کے باعث 793افراد انتقال کر گئے۔ بلوچستان میں 35 ہزار980 شہری کورونا سے متاثر جبکہ 378 جان کی بازی ہار گئے۔ گلگت بلتستان میں 12ہزار 46افراد کورونا سے متاثر جبکہ 191 جاں بحق ہو گئے۔