گوگل نیوز پر ہمیں فالو کریںکراچی : پاکستان میں کورونا وائرس کے کیسز میں اضافے کا سلسلہ تھم نہیں سکا، گزشتہ 24 گھنٹوں میں مزید 4ہزار 87 افراد میں کورونا وائرس کی تصدیق ہوگئی، 78 افراد جان کی بازی ہار گئے۔
پاکستان میں مزید کیسز سامنے آنے کے بعد مجموعی تعداد 2 لاکھ 21 ہزار 896 ہوگئی جبکہ ملک میں اموات کی تعداد 4ہزار 551 ہوچکی ہے۔
سندھ کورونا وائرس سے سب سے زیادہ متاثر صوبہ ہے جہاں 89 ہزار225 لوگوں میں کورونا کی تصدیق ہوچکی ہے جبکہ پنجاب میں 78 ہزار 956 افراد کورونا وائرس کا شکار ہوچکے ہیں۔
صوبہ خیبر پختونخوا میں 27ہزار170، اسلام آباد میں 13ہزار195،بلوچستان میں 10 ہزار 666، آزاد کشمیر میں 1160 اورگلگت بلتستان میں 1524 افراد میں کورونا کی تصدیق ہوچکی ہے۔
پاکستان میں اب تک مجموعی طور پر 13لاکھ 50 ہزار 773 ٹیسٹ کئے جاچکے ہیں جن میں 2 لاکھ 21 ہزار 896 افراد کے ٹیسٹ مثبت آئے جبکہ پاکستان میں اس موذی وباء سے 4 ہزار 551 لوگ زندگی کی بازی ہارچکے ہیں۔
مزید پڑھیں: کراچی میں بدترین لوڈشیڈنگ کا سلسلہ جاری، معمولات زندگی درہم برہم
