پاکستان میں کورونا کے 694نئے کیسز رپورٹ، 101مریضوں کی حالت تشویشناک

اسلام آباد: ملک بھر میں کورونا کے 694نئے کیسز رپورٹ ہوئے، گزشتہ 24 گھنٹوں کے دوران وائرس کے باعث کسی شہری کی ہلاکت کی اطلاع موصول نہیں ہوئی تاہم 101 مریضوں کی حالت تشویشناک ہے۔ 

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 36 ہزار 479افراد کورونا سے متاثر جبکہ 30 ہزار 395 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

یہ بھی پڑھیں:

کوروناکیسز، دوران سفر ماسک پہننا لازمی قرار دے دیا گیا

وزیراعظم کی عوام کو کورونا ایس او پیز پر عمل کرنے کی ہدایت

گزشتہ 1 روز میں کورونا کی تشخیص کیلئے 17ہزار 640ٹیسٹ کیے گئے جبکہ مثبت کیسز کا تناسب 3.93 فیصد رہا۔ ٹیسٹس کی مجموعی تعداد 2 کروڑ 90 لاکھ 10ہزار 676ہو گئی جبکہ کورونا کے 101مریض انتہائی نگہداشت میں ہیں۔

COVID-19 Statistics 01 July 2022
Total Tests in Last 24 Hours: 17,640
Positive Cases: 694
Positivity %: 3.93%
Deaths: 00
Patients on Critical Care: 101

— NIH Pakistan (@NIH_Pakistan) July 1, 2022

ملک بھر میں گزشتہ 24 گھنٹوں کے دوران 121مریضوں نے کورونا کو شکست دے دی جس سے صحتیاب افراد کی تعداد 14 لاکھ 99 ہزار 762 تک جا پہنچی جبکہ فعال کیسز کی تعداد 6 ہزار 322 ہو گئی۔ سب سے زیادہ پنجاب اور سندھ متاثر ہوئے۔

سندھ میں کورونا سے 5لاکھ 81 ہزار 46افراد متاثر جبکہ 8 ہزار 113 جاں بحق ہوئے۔ پنجاب میں 5لاکھ 8 ہزار 485 افراد متاثر جبکہ 13 ہزار 571 جان کی بازی ہار گئے۔ وائرس سے متاثرہ تیسرا سب سے بڑا صوبہ خیبر پختونخواہ رہا۔

خیبر پختونخوا میں کورونا سے 2لاکھ 20 ہزار45 افراد متاثر جبکہ 6ہزار 324 جاں بحق ہوئے۔ اسلام آباد میں 1 لاکھ 36 ہزار 195 افراد کورونا سے متاثر جبکہ 1 ہزار 26 جاں بحق ہوئے۔ آزاد جموں وکشمیر میں 43 ہزار 394 کورونا کیسز رپورٹ ہوئے۔

آزاد کشمیر میں وائرس کے باعث 792افراد جاں بحق ہوئے۔ بلوچستان میں 35 ہزار553افراد کورونا سے متاثر جبکہ 378 جان کی بازی ہار گئے۔ گلگت بلتستان میں 11ہزار 761افراد کورونا سے متاثر جبکہ 191 جاں بحق ہو گئے۔