پاکستان میں کورونا کے 171 نئے کیسز رپورٹ، 57مریضوں کی حالت تشویشناک

اسلام آباد: ملک بھر میں کورونا کے 171نئے کیسز رپورٹ ہوئے، گزشتہ 24 گھنٹوں کے دوران وائرس کے باعث کسی شہری کی ہلاکت کی اطلاع نہیں ملی تاہم 57مریضوں کی حالت انتہائی تشویشناک ہے۔

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 32 ہزار 153افراد کورونا سے متاثر جبکہ 30 ہزار 383 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

یہ بھی پڑھیں:

پاکستان میں کورونا کا تیزی سے پھیلنے والا نیا ویرینٹ داخل

گزشتہ 1 روز میں کورونا کی تشخیص کیلئے 11ہزار 212ٹیسٹ کیے گئے جبکہ مثبت کیسز کا تناسب 1.53 فیصد رہا۔ ٹیسٹس کی مجموعی تعداد 2 کروڑ 88 لاکھ 52ہزار 270 ہو گئی جبکہ کورونا کے 57 مریض انتہائی نگہداشت میں ہیں۔

COVID-19 Statistics 20 June 2022
Total Tests in Last 24 Hours: 11,212
Positive Cases: 171
Positivity %: 1.53%
Deaths: 00
Patients on Critical Care: 57

— NIH Pakistan (@NIH_Pakistan) June 20, 2022

خیال رہے کہ اس سے قبل محکمۂ صحت سندھ کے پراجیکٹ ڈائریکٹر ڈاکٹر ارشاد میمن کا کہنا تھا کہ سندھ میں عالمی وباء کورونا سے بچاؤ کی ویکسین کا ہدف 100 فیصد مکمل ہوچکا ہے۔

پراجیکٹ ڈائریکٹر محکمۂ صحت سندھ ڈاکٹر ارشاد میمن نے 4 روز قبل اپنے ایک بیان میں کہا کہ سندھ میں 12 سال اور اس سے زائد عمر کے 3 کروڑ 40 لاکھ سے زائد افراد کو کورونا ویکسین کی 2 ڈوز لگائی جاچکی ہیں۔

پروجیکٹ ڈاریکٹر ڈاکٹر ارشاد نے کہا کہ خیبر پختونخواہ میں صرف 64 فیصد افراد  جبکہ پنجاب میں تا حال صرف 86 فیصد افراد کو کورونا کی دونوں ڈوز لگائی گئی ہیں۔