پاکستان میں کورونا کے 395 کیسز کا اندراج، مزید 11اموات

اسلام آباد: پاکستان میں کورونا وائرس کے مزید 395 کیسز سامنے آنے کے علاو ہ وباء سے متاثرہ 11افراد نے دم توڑ دیا۔

ہفتہ کی صبح نیشنل کمانڈ اینڈ آپریشن سینٹر کے جاری کردہ اعدادوشمار کے مطابق پاکستان میں گزشتہ 24 گھنٹوں کے دوران کورونا وائرس سے مزید 11 اموات اور 395 کیسز ریکارڈ کیے گئے ہیں۔

11 نئی اموات کے بعد ہلاکتوں کی مجموعی تعداد اب بڑھ کر 28ہزار823 ہو گئی ہے جبکہ نئے 395 کیسز کو شامل کرنے کے بعد اب کل متاثرین کی تعداد 12لاکھ 88ہزار761 ہو گئی ہے۔

گزشتہ 24 گھنٹوں کے دوران پاکستان بھر میں مجموعی طور پر 50ہزار859 ٹیسٹ کیے گئے جب کہ مثبت کیسز کا تناسب صفراعشاریہ 77 فیصد رہا۔

مزید پڑھیں:اومی کرون سے کراچی کو کتنا خطرہ، کیا حکومت دوبارہ لاک ڈاؤن لگائے گی؟

358 مریض وائرس سے صحت یاب ہوئے ہیں جس کے بعدصحت یاب ہونے والوں کی کل تعداد 1250427 ہوچکی ہے اورملک میں فعال کیسوں کی کل تعداد 9511 ریکارڈ کی گئی۔

واضح رہے کہ دُنیا کے 200سے زائد ممالک اور خطوں میں کورونا سے مجموعی طور پر 26کروڑ 87 لاکھ 55 ہزار13 افراد متاثر ہوئے جبکہ وائرس کا شکار 53 لاکھ 3 ہزار 83 افراد جان کی بازی ہار گئے۔

وائرس سے متاثرہ 88 ہزار 973 افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 2 کروڑ 15 لاکھ 87 ہزار827 ہو گئی۔وائرس کے2 کروڑ 14 لاکھ 98ہزار854 مریضوں کو معمولی تکالیف کا سامنا ہے۔

دُنیا بھر میں 24 کروڑ 18لاکھ 64 ہزار 103 افراد کورونا سے صحتیاب ہوگئے۔سب سے زیادہ 5 کروڑ 5لاکھ 35ہزار791 افراد امریکا میں جبکہ 3 کروڑ 46لاکھ 74 ہزار 744 افراد بھارت میں وائرس کا شکار ہوئے۔