عالمی سیاحتی انڈیکس میں 6درجے ترقی، پاکستان 83ویں پوزیشن پر آگیا

اسلام آباد: پاکستان عالمی سیاحتی انڈیکس میں 6 درجے کی ترقی کے بعد 83ویں پوزیشن پر آگیا ہے۔ بین الاقوامی اقتصادی فورم کا کہنا ہے کہ پاکستان کو یہ پوزیشن سیاحتی مقامات کی بنیاد پر دی گئی۔

تفصیلا ت کے مطابق پاکستان کو عالمی سیاحتی انڈیکس کے 2021 کے ایڈیشن میں دنیا بھر کے 117 ممالک میں سے 2019 کی 89ویں پوزیشن کے مقابلے میں 83ویں نمبر پر رکھا گیا ہے جوسیاحتی شعبے کی تعمیر و ترقی کیلئے اہم پیشرفت ہے۔

یہ بھی پڑھیں:

چین پاکستان کو 2.5 بلین ڈالر کا قرضہ فراہم کرے گا

قومی ادارۂ ترقئ سیاحت (پی ٹی ڈی سی) کا کہنا ہے کہ پاکستان کی عالمی سیاحتی انڈیکس میں 6 درجے ترقی اہم پیشرفت قرار دی جاسکتی ہے۔ وفاقی و صوبائی حکومتیں سیاحت کی تعمیر و ترقی کیلئے کاروباری ماحول اور تحفظ کیلئے اقدامات اٹھا رہی ہیں۔

سربراہ پی ٹی ڈی سی نے اپنے ایک بیان میں کہا کہ پاکستان نے سیاحتی درجے میں ترقی حاصل کی تاہم سیاحت کے شعبے میں مزید بہتری کی ضرورت ہے۔ اس شعبے کے تحت پاکستان کی سماجی و اقتصادی ترقی کیلئے کلیدی کردار ادا ادا کیا جاسکتا ہے۔

واضح رہے کہ عالمی سیاحتی انڈیکس میں جاپان، امریکا، اسپین، فرانس، جرمنی، سوئٹزرلینڈ، آسٹریا، سنگاپور اور اٹلی سمیت دیگر ممالک سرِ فہرست ہیں۔ وفاقی حکومت شعبۂ سیر و سیاحت کی تعمیر و ترقی کیلئے گزشتہ 3 سال سے کوشاں نظر آتی ہے۔