گوگل نیوز پر ہمیں فالو کریںملتان: پاکستان ٹیم ویسٹ انڈیز کو 163 رنز پر آؤٹ کرنے کے بعد خود بھی 154 رنز پر پویلین لوٹ گئی۔
کپتان شان مسعود 15، محمد حریرہ 9، بابر اعظم ایک، کامران غلام 16، سعود شکیل 32، محمد رضوان 49، سلمان علی آغا 9، ابرار احمد 2 رنزبناکر آؤٹ ہوئے، نعمان علی صفر پر پویلین لوٹ جبکہ ساجد خان 16 رنز بناکر ناٹ آؤٹ رہے۔
اس سے پہلے ویسٹ انڈیز کی ٹیم بھی جلد ہی آؤٹ ہوئی اور پہلی اننگز میں صرف 163 رنز بنائے۔ باؤلرز نے سخت محنت کی اور گوڈکیش موتی، کیمار روچ اور جومیل واریکن نے بالترتیب 55، 25 اور 36 رنز بنائے۔
اس میچ میں ایک بڑا ریکارڈ بھی دیکھا گیا، جب نعمان علی نے ٹیسٹ کرکٹ میں ہیٹ ٹرک کرنے والے پہلے پاکستانی اسپنر بننے کا اعزاز حاصل کیا۔
دوسرا ٹیسٹ: پاکستانی شاہینوں نے کالی آندھی کو 163 رنز پر ڈھیر کردیا
ویسٹ انڈیز کی بیٹنگ ایک بار پھر ناکام رہی، جب انہوں نے ابتدائی 12 اوورز میں سات جلدی وکٹیں گنوا دیں۔
اننگز کا آغاز کرتے ہوئے، کریگ براتھ ویٹ اور مائیکل لیوس ایک مستحکم آغاز فراہم کرنے میں ناکام رہے۔ ڈیبیو کرنے والے پیسر کاشف علی نے اپنے پہلے اوور میں ہی لیوس کو صرف 8 رنز پر آؤٹ کیا۔
ساجد خان نے مہمانوں کی مشکلات میں اضافہ کرتے ہوئے امیر جانگو اور الک آتھنازے کو آؤٹ کیا۔نعمان علی نے چار بیٹروں کو پویلین واپس بھیجا۔ کیوین ہودج کے سوا کوئی بیٹر دوہرے اعداد میں داخل ہونے میں کامیاب نہیں ہوا۔
پاکستان نے دو میچوں کی سیریز میں 1-0 کی برتری حاصل کر رکھی ہے اور انہوں نے اپنے اسکواڈ میں ایک تبدیلی کی ہے، تیز گیندباز خورم شہزاد کی جگہ نوجوان پیسر کاشف علی کو شامل کیا ہے۔
