گوگل نیوز پر ہمیں فالو کریںجنوبی ایشیا کے 8 ممالک میں پاکستان کو سب سے مہنگا ترین ملک قرار دیاگیا ہے جبکہ ڈیفالٹ کرنے والے سری لنکا کو دوسرے نمبر پر رکھا گیا ہے۔
ایشیائی ترقیاتی بینک کی آؤٹ لوک رپورٹ کے مطابق پاکستانی معیشت کو بلند مہنگائی، زرمبادلہ بحران سمیت کئی چیلنجز کا سامنا ہے۔
رواں سال معاشی شرح نمو صرف 0.6 فیصد تک رہنے کا امکان ہے لیکن اکنامک اور اسٹرکچرل اصلاحات کے ذریعے پاکستان باؤنس بیک کر سکتا ہے۔ آئی ایم ایف پروگرام آن ٹریک رہا تو مالی خسارے میں کمی متوقع ہے۔
پاکستان کی معیشت سے متعلق رپورٹ میں بتایا گیا ہے کہ رواں سال مہنگائی کی اوسط شرح 27.5 فیصد رہے گی۔ سخت مانیٹری، مالی پالیسی اور بجلی تیل مہنگا ہونے کے باعث صنعتی پیداوار کم رہے گی جبکہ معاشی بحالی اور ترقیاتی منصوبوں کیلئے تعاون جاری رہے گا۔
لاہور میں مرغی کے گوشت کی قیمت میں مزید اضافہ ہوگیا
رپورٹ کے مطابق سری لنکا کو 24.4 فیصد کے ساتھ دوسرے نمبر پر جبکہ 13.8 فیصد کے ساتھ افغانستان کو تیسرے نمبر پر رکھا گیا ہے۔ بنگلادیش 8.7 فیصد کے ساتھ جنوبی ایشیا کے 8 ممالک میں چوتھے نمبر پر ہے۔
اس کے علاوہ بھارت میں رواں سال مہنگائی کی شرح پانچ فیصد رہنے کا امکان ہے۔
