شاہ محمود قریشی کی سعودی وزیر خارجہ فیصل بن فرحان سے ملاقات

ریاض: وزیر خارجہ شاہ محمود قریشی نے سعودی عرب کے وزیر خارجہ فیصل بن فرحان بن عبداللہ سے ملاقات کی جس میں دو طرفہ تعلقات ،مقبوضہ جموں و کشمیر کی صورتحال اور اہم علاقائی و بین الاقوامی امور پر تبادلہ خیال کیا گیا۔

وزیر خارجہ مخدوم شاہ محمود قریشی کی سعودی وزارت خارجہ پہنچے تو سعودی وزیر خارجہ اور وزارت خارجہ سعودی عرب کے سینئر حکام نے ان کا خیرمقدم کیا ۔

وزیر خارجہ مخدوم شاہ محمود قریشی نے سعودی عرب کے وزیر خارجہ فیصل بن فرحان بن عبداللہ سے ملاقات کی جس میں دو طرفہ تعلقات ،مقبوضہ جموں و کشمیر کی صورتحال اور اہم علاقائی و بین الاقوامی امور پر تبادلہ خیال کیا گیا۔

یہ بھی پڑھیں: مقبوضہ کشمیر میں بھارتی فوجی محاصرہ مسلسل129ویں روز بھی جاری رہا

وزیر خارجہ مخدوم شاہ محمود قریشی نے اپنے سعودی ہم منصب کو مقبوضہ جموں و کشمیر کی تازہ ترین صورتحال سے آگاہ کرتے ہوئے کہا کہ ہندوستان گذشتہ چار ماہ سے 80 لاکھ نہتے کشمیریوں کا مکمل محاصرہ کیے ہوئے ہے۔

وزیر خارجہ نے کہاکہ ہندوستان نے دنیا کو اصل حقائق سے بے خبر رکھنے کیلئے ذرائع مواصلات پر مکمل پابندی عائد کر رکھی ہے بنیادی انسانی حقوق معطل ہیں ۔

مخدوم شاہ محمود قریشی نے کہاکہ مقبوضہ جموں و کشمیر کے مظلوم، بھارتی ظلم و ستم سے نجات حاصل کرنے کے لیے عالمی برادری، بالخصوص مسلم امہ کی طرف دیکھ رہے ہیں ۔

دونوں وزرائے خارجہ نے کثیرجہتی شعبہ جات میں دو طرفہ تعاون کے فروغ اور خطے میں امن و استحکام کیلئے باہمی مشاورت جاری رکھنے پر اتفاق کیا ۔وزیر خارجہ مخدوم شاہ محمود قریشی نے سعودی عرب کی وزارت خارجہ میں “وزٹر بک” میں اپنے تاثرات بھی قلمبند کئے۔