پاکستان کی 8 ماہ میں 50 کروڑ ڈالر کی برآمدات

اسلام  آباد: پاکستان نے مالی سال (2021-22) کے پہلے آٹھ ماہ کے دوران مختلف ممالک میں ٹرانسپورٹ سروسز فراہم کرکے  50 کروڑ 80 لاکھ 15 ہزار ڈالر کمائے ہیں۔

پاکستان بیورو آف سٹیٹسٹکس (پی بی ایس) نے رپورٹ کیا کہ مالی سال (2020-21) کی اسی مدت کے دوران خدمات کی فراہمی کے ذریعے کمائے گئے 400.940 ملین ڈالر کے مقابلے میں برآمدات میں  26.71 فیصد اضافہ ہوا۔ 

یہ بھی پڑھیں:

  نسٹ  دنیا کی200بہترین یونیورسٹیوں میں شامل

زیر جائزہ مدت کے دوران سمندری نقل و حمل کی خدمات کی برآمدات میں 51.18 فیصد کا اضافہ دیکھا گیا جو کہ گزشتہ سال 56.130 ملین ڈالر سے بڑھ کر 84.860 ملین ڈالر تک پہنچ گیا۔

پی بی ایس کے اعداد و شمار کے مطابق سمندری نقل و حمل کی خدمات میں، مال بردار خدمات کی برآمدات گزشتہ سال 22.390 ملین ڈالر سے 99.46 فیصد بڑھ کر 44.660 ملین ڈالر تک پہنچ گئیں جبکہ دیگر سمندری نقل و حمل کی خدمات کی برآمدات بھی 19.15 فیصد بڑھ کر 33.740 ملین ڈالر سے رواں سال 40.200 ملین ڈالر تک پہنچ گئیں۔

ہوائی نقل و حمل کی برآمدات جولائی تا فروری (22-2021) کے دوران 25.45 فیصد بڑھ کر گزشتہ سال 325.030 ملین ڈالر سے بڑھ کر 407.735 ملین ڈالر تک پہنچ گئیں۔

اس طرح ہوائی نقل و حمل کی خدمات میں سے  مسافر خدمات کی برآمدات میں 23.55 فیصد اضافہ ہوا، جو کہ 213.970 ملین ڈالر سے بڑھ کر 264.350 ملین ڈالر تک پہنچ گئی، جب کہ مال بردار خدمات کی برآمدات بھی 2.55 فیصد اضافے کے ساتھ 20.400 ملین ڈالر سے بڑھ کر 20.920 ملین ڈالر تک پہنچ گئی

 اس کے علاوہ دیگر ہوائی نقل و حمل کی برآمدات خدمات $90.660 ملین سے 35.08 فیصد بڑھ کر $122.465 ملین ہوگئیں۔دریں اثنا، زیر جائزہ مدت کے دوران روڈ ٹرانسپورٹ سروسز کی برآمدات میں 20.37 فیصد کی کمی دیکھی گئی جو اس سال کے دوران 12.960 ملین ڈالر سے کم ہو کر 10.320 ملین ڈالر رہ گئی ہیں۔