گوگل نیوز پر ہمیں فالو کریںلاہور:قومی ویمنز ٹیم نے دوسرے ٹی ٹونٹی میچ میں بنگلہ دیش کو 15رنز سے شکست دے کر تین میچوں پر مشتمل سیریز میں 0-2 کی فیصلہ کن برتری حاصل کرلی۔
قذافی اسٹیڈیم لاہور میں پاکستان نے پہلے کھیلتے ہوئے مقررہ 20 اوورز میں 3وکٹوں کے نقصان پر 167رنز بنائے۔ جواب میں بنگلہ دیش کی ٹیم مقررہ 20 اوورز میں 7 وکٹوں کے نقصان پر 152 رنز ہی بناسکی۔
کپتان قومی ویمنز کرکٹ ٹیم بسمعہ معروف نے کیرئیر کی دسویں اور جویریہ خان نے چھٹی نصف سنچری اسکور کی۔اس سے قبل بنگلہ دیش ویمنز کرکٹ ٹیم کی کپتان سلمہ خاتون نے ٹاس جیت کر پہلے فیلڈنگ کا فیصلہ کیا۔ پاکستان کی پہلی وکٹ 35 کے مجموعی اسکور پر اس وقت گری جب سدرہ امین 19 رنز بنا کر آئوٹ ہوگئیں۔
مزید پڑھیں : بابر اعظم کی قیادت میں تین ٹی ٹوئنٹی میچز کی سیریز کیلئے قومی کرکٹ ٹیم آسٹریلیا روانہ
دوسری وکٹ کیلئے کپتان بسمعہ معروف اور اوپنر جویریہ خان کے درمیان95 رنز کی شراکت قائم ہوئی۔ کپتان قومی ویمنز کرکٹ ٹیم بسمعہ معروف نے 50 گیندوں پر 70 رنز کی ناقابل شکست اننگز کھیلی۔ بسمعہ معروف کے انٹرنیشنل کیرئیر کی بہترین اننگز میں 9 چوکے اور 1 چھکا شامل تھا۔
جویریہ خان 44 گیندوں پر 52 رنز بنا کر آئوٹ ہوئیں۔ پاکستان نے مقررہ 20 اوورز میں 3وکٹوں کے نقصان پر 167 رنز بنائے۔ بنگلہ دیش کی جانب سے میڈیم پیسر جہاں آرا عالم نے 2وکٹیں حاصل کیں۔ 168 رنز کے تعاقب میں مہمان ٹیم کی ابتدائی 3 وکٹیں محض 25 رنز پر گرگئیں۔ چوتھی وکٹ کے لئے مڈل آرڈر بیٹر سنجیدہ اسلام نے نگار سلطانہ کے ہمراہ 57 رنز کی شراکت قائم کی۔
سنجید ہ اسلام 45 اور نگار سلطانہ 21 رنز پر ہمت ہارگئیں۔ اختتامی اوورز میں فرغانہ حق نے جارحانہ اننگز کھیلی تاہم و ہ بھی 19 گیندوں پر 30 رنز بنا کر آئوٹ ہوگئیں۔ بنگلہ دیش کی ویمز ٹیم مقررہ 20 اوورز میں 7 وکٹوں کے نقصان پر 152 رنز ہی بناسکی۔
یہ بھی پڑھیں : سری لنکا سے ٹی ٹوئنٹی ہارنا افسوسناک، ٹیم بنانے کے لیے وقت چاہئے،مصباح الحق
