گوگل نیوز پر ہمیں فالو کریںراولپنڈی: بھارت کی کنٹرول لائن پر خلاف ورزیوں کا سلسلہ مسلسل جاری ہے، پاکستان نے لائن آف کنٹرول (ایل او سی) کی خلاف ورزی کرنے والے ایک اور بھارتی کواڈ کاپٹر کو مار گرایا ہے۔
آئی ایس پی آر کی جانب سے جاری کردہ بیان کے مطابق بھارت کا جاسوسی کواڈ کاپٹر نیکرن سیکٹر سے 700 میٹر تک پاکستانی حدود میں داخل ہوا تھا جسے پاک آرمی نے مار گرایا ہے۔
#PakistanArmy troops shot down an Indian spying #quadcopter which came from Kanzalwan Sector, intruded 700 Meters on Pakistan side of #LOC in Nekrun Sector.
— DG ISPR (@OfficialDGISPR) May 29, 2020
خیال رہے کہ گزشتہ دنوں بھی پاک فوج نے دشمن مذموم مقاصد کو ناکام بناتے ہوئے اس کا ایک جاسوس ڈرون مار گرایا تھا۔ یہ کواڈ کاپٹر 27 مئی کو رکھ چکری سیکٹر میں مار گرایا گیا تھا۔ بھارتی جاسوس ڈرون 650 میٹر پاکستانی حدود میں داخل ہو گیا تھا۔
یہ پہلا موقع نہیں کہ جب انڈیا نے جاسوس ڈرونوں کی مدد سے پاکستان کی جاسوسی کرنے کی ناکام کوشش کی۔ رواں سال اپریل میں بھی لائن آف کنٹرول کی خلاف ورزی کرنے پر پاک فوج نے بھارت کا جاسوس ڈرون تباہ کیا تھا۔ اس بھارتی جاسوس ڈرون نے سنکھ سیکٹر میں ایل او سی کی خلاف ورزی کی تھی اور 600 میٹر تک پاکستان کی سرزمین کے اندر آیا تھا۔
مزید پڑھیں:چین کے بعد پاکستان کا بھارت کو کرارا وار، جاسوس ڈرون مار گرایا
