گوگل نیوز پر ہمیں فالو کریںبیجنگ: پاکستان اور چین نے پاک چین اقتصادی راہداری (سی پیک) منصوبے کو توسیع دینے اور باہمی تعاون کے فروغ کیلئے اقدامات پر اتفاق کیا ہے۔
تفصیلات کے مطابق پاکستان اور چین نے بیجنگ میں دو طرفہ سیاسی مشاورت (پی بی سی) کے تیسرے دورے کے بعد سی پیک میں تیسرے فریق کو شامل کرنے کے عزم کا اعادہ کیا۔ دفترِخارجہ کی جانب سے بیان جاری کردیا گیا۔
خام تیل کی قیمتیں 15 ماہ کی کم ترین سطح پر آگئیں
دفترِ خارجہ کا کہنا ہے کہ سی پیک کے ساتھ عزم کا اعادہ دو طرفہ تعاون کا اہم ستون اور پاک چین گہری دوستی کی علامت ہے۔ دورے کے دوران پاکستان اور چین کے مابین دو طرفہ سیاسی مشاورت اور تعلقات کے اہم پہلو زیرِ غور آئے۔
مزید بتایا گیا کہ پاک چین سیاسی و سکیورٹی تعاون، دو طرفہ تجارت، مالیاتی تعاون، ثقافتی وفود کے تبادلے اور عوام کے مابین تعلقات کو مزید وسعت دینے اور مضبوط کرنے پر اتفاقِ رائے سامنے آیا۔
پریس ریلیز کے مطابق دفترِ خارجہ کا کہنا ہے کہ پاکستان اور چین نے اعلیٰ سطحی مصروفیات اور ڈائیلاگ کے طریقۂ کار کو فروغ دینے اور مواصلات کے ذرائع کو مزید مضبوط بنانے پر بھی اتفاق کیا ہے۔
سیکریٹری خارجہ ڈاکٹر اسد مجید خان پاکستانی وفد کی جبکہ چین کے نائب وزیر خارجہ سن ویڈونگ نے چینی وفد کی قیادت کی۔ دونوں ممالک کثیر الجہتی پلیٹ فارمز پر گفت و شنید اور تعاون کو مزید مضبوط کرنے پر اتفاق کرچکے ہیں۔
