پاکستانی ویمن ٹیم آسٹریلیا کے خلاف کون سا میچ کب کھیلے گی؟ شیڈول کااعلان

قومی ویمن کرکٹ ٹیم آسٹریلیا کے خلاف 3 ون ڈے اور 3 ٹی 20 میچز کھیلے گی، پاک آسٹریلیا کرکٹ مقابلوں کے شیڈول کا اعلان کردیا گیا ہے۔

تفصیلات کے مطابق کرکٹ آسٹریلیا نے بسمہ معروف کی زیرِ قیادت پاکستانی ویمن ٹیم کے خلاف ٹی 20 اور ون ڈے میچز کے شیڈول کا اعلان کیا۔ قومی ٹیم آئندہ برس جنوری میں آسٹریلیا کا دورہ کرے گی۔

یہ بھی پڑھیں:

پاکستان ویمن ٹیم نے سری لنکا کو وائٹ واش کردیا

جنوری کے دوران کپتان بسمہ معروف قومی ٹیم کی آسٹریلیا کے خلاف قیادت کریں گی۔ قومی ٹیم 3 ون ڈے اور 3 ٹی 20 میچز کھیلے گی جن میں سے پہلا ون ڈے میچ 16 جنوری کو کھیلا جائے گا۔

دونوں ٹیموں کے مابین دوسرا ون ڈے میچ 18 جبکہ تیسرا 21 جنوری کو ہوگا۔ کرکٹ آسٹریلیا کے شیڈول کے مطابق قومی ٹیم پہلا ٹی 20 میچ 24 جنوری، دوسرا 27 جبکہ تیسرا 29جنوری کو کھیلے گی۔

خیال رہے کہ اس سے قبل پاکستانی ویمنز ٹیم نے بہترین کارکردگی کا مظاہرہ کرتے ہوئے سری لنکن خواتین کی ٹیم کو تیسرے ٹی ٹونٹی میچ میں شکست دیکر سیریز میں وائٹ واش کر لیا۔

سری لنکن وومن ٹیم نے 2 روز قبل ٹاس جیت کر پہلے بلے بازی کی اور مقررہ اوورز میں 107 رنز بنائے، چماری اتاپاتو نے 37 اور پریرا نے 24 رنز بنائے، دیگر کھلاڑی قابل ذکر کارکردگی نہ دکھا سکیں۔