گوگل نیوز پر ہمیں فالو کریںکراچی: پاک سوزوکی کی جانب سے اہم فیصلہ سامنے آیا جب کمپنی نے اپنی تمام موٹر سائیکلوں کی بکنگ بندکردی ہے۔پاک سوزوکی نے تمام ڈیلرز کو آگاہ کردیا ہے کہ نئی موٹر سائیکلوں کی بکنگ فوری طور پر بند کردی گئی ہے۔
کمپنی کا کہنا ہے کہ درآمدات نہ ہونے کے سبب موٹر سائیکلوں کیلئے سی کے ڈی اور دیگر خام مال کی سپلائی چین متاثر ہوگئی ہے، جس کی وجہ سے کمپنی کیلئے کسٹمرز کے آرڈرز پورے کرنا نا ممکن ہے۔
پاک سوزوکی نے صارفین سے کہا ہے کہ صورتحال جوں ہی معمول پر آئے گی بکنگ کا دوبارہ آغاز کردیا جائے گا۔
آل پاکستان موٹر سائیکل ڈیلرز ایسوسی ایشن کے چیئرمین صابر شیخ کے مطابق درآمدات بندرگاہ پر رکنے کی وجہ سے صورتحال خراب ہورہی ہے۔
دوسری جانب ڈالر کی عدم دستیابی اور قدر کے حوالے سے بھی صورتحال غیر یقینی ہے، جس کی وجہ سے پاک سوزوکی نے موٹر سائیکلوں کی بکنگ بند کردی ہے۔
انہوں نے کہا کہ اسٹیٹ بینک نے آئندہ ہفتے فنڈز کے اجرا کا امکان ظاہر کیا ہے، اس کے بعد صورتحال میں بہتری آئے گی۔
مزید پڑھیں:لاہور میں مرغی کے گوشت کی قیمت میں مزید اضافہ، قیمت 527 روپے فی کلو ہوگئی
واضح رہے کہ اس سے قبل پاک سوزوکی نے اپنی فور وہیلر گاڑیوں کی بکنگ بھی 2 جنوری سے 20 جنوری تک بند کرنے کا اعلان کیا تھا۔
