گوگل نیوز پر ہمیں فالو کریںوفاقی وزیر برائے منصوبہ بندی و ترقی و اصلاحات مخدوم خسرو بختیار کا کہنا ہے کہ وجودہ حکومت نے چین پاکستان اقتصادی راہداری (سی پیک) منصوبوں کی رفتار اور اس پر عملدرآمد کو تیز کر دیا ہے،سی پیک منصوبوں سے متعلق رکاوٹیں دور کی جارہی ہیں۔
اسلام آباد میں سی پیک منصوبوں سے متعلق اجلاس سے خطاب کرتے ہوئے وفاقی وزیر برائے منصوبہ بندی اور ترقی و اصلاحات خسرو بختیار کا کہنا تھا کہ سی پیک منصوبوں سے متعلق رکاوٹوں کو ترجیحی بنیادوں پر دور کیا جا رہا ہے تاکہ منصوبے وقت پر مکمل ہو سکیں۔
انہوں نے کہا کہ حکومت سی پیک فریم ورک کے تحت فائدہ اٹھانے کے لئے پرعزم ہے۔ حکومت نے سی پیک پر تعمیری کام کی رفتار کو تیز کردیا ہے، سی پیک کی تکمیل سے پاکستان کی معاشی ترقی میں اضافہ ہوگا۔
وفاقی وزیر نے کہا کہ سی پیک منصوبوں پر مسلسل میٹنگز کا انعقاد اس بات کا مظہر ہے کہ موجودہ حکومت سی پیک منصوبوں کی بروقت تکمیل کےلئے پرعزم ہے۔ انہوں نے کہا کہ سی پیک فریم ورک کا دوسرا مرحلہ لوگوں کی فلاح و بہبود اور معاشی و اقتصادی فوائد حاصل کرنے پر مرکوز رہے گا۔
انہوں نے مزید کہا کہ گوادر ایسٹ بے ایکسپریس وے منصوبہ ایکنک ایجنڈے پر ہوگا، چین نے منصوبے کے لئے اضافی قرضوں کی تصدیق بھی کردی، اقتصادی راہداری اہم منصوبہ ہے، حکومت نے سی پیک کے دائرے کو وسعت دی۔ دوسرےفیز میں سماجی ومعاشی ترقی اور غربت کاخاتمہ توجہ ہے۔
وفاقی وزیر نے سی پیک منصوبوں کے نفاذ میں شامل متعلقہ سٹیک ہولڈرز کے مابین ہم آہنگی کو مزید بہتر بنانے کی ضرورت پر زور دیتے ہوئے کہا کہ سی پیک کی تکمیل سے پاکستان کی معاشی ترقی میں اضافہ ہو گا۔
