دنیا کو عبدالستار ایدھی جیسے نیک لوگوں کی شدید ضرورت ہے، ثمینہ پیرزادہ

کراچی :پاکستان شوبز انڈسٹری کی سینئر اداکارہ و میزبان ثمینہ پیرزادہ کورونا وائرس کی مشکل گھڑی میں انسانیت کیلئے اپنی زندگی وقف کرنیوالے مشہور سماجی کارکن عبدالستار ایدھی کو یاد کرنے لگیں۔

ثمینہ پیرزادہ نے ٹوئٹر پر جاری کئے گئے اپنے پیغام میں کہا کہ ’اس دْنیا کو عبدالستار ایدھی  جیسے نیک لوگوں کی شدید ضرورت ہے۔

سینئر اداکارہ نے جذباتی ہوتے ہوئے کہا کہ ’میں عبدالستار ایدھی  کو بہت زیادہ یاد کررہی ہوں‘۔اْنہوں نے کہا کہ ’کاش! آج ایدھی صاحب انسانیت کی خدمت کرنے کیلئے زندہ ہوتے‘۔

Our world needs more people like AbdulSattarEdhi. I miss Edhi saab. RIP kaash woh aaj zinda hotay!

— Samina Peerzada (@SaminaSays) April 23, 2021

 سینئر اداکارہ ثمینہ پیرزادہ نے کہا کہ کورونا وباء کی تیسری لہر انتہائی شدت سے پھیل رہی ہے اس لئے عوام سے اپیل ہے کہ ایس او پیز پر عملدرآمد کریں گے اور زیادہ سے زیادہ گھروں میں قیام کریں ۔

ایک بیان میں انہوں نے کہا کہ حکومت میڈیا کے ذریعے بار بار اپیلیں کر رہی ہے لیکن بد قسمتی سے عوام کی اکثریت کورونا کی شدت کو سنجیدگی سے نہیں لے رہی ۔

انہو ں نے کہا کہ ہمیں ہسپتالوں میں کام کرنے والے ہیلتھ ورکرز کا بھی خیال کرنا ہے اگر ہمارے ہسپتالوں پر مزید بوجھ بڑھ گیا تو حالات کو کنٹرول کرنا مشکل ہو جائے گا۔

مزید پڑھیں:اداکارہ ندا یاسر نے بھی کورونا ویکسین لگوالی، ویڈیو وائرل

عوام سے اپیل ہے کہ خدارا موجودہ حالات کی سنگینی کو سمجھیں اور کورونا ایس او پیز پر عمل کریں اور بغیر کسی ضروری کام کے گھروں سے نہ نکلیں،اگر زندگی ہو گی تو شاپنگ بھی ہوتی رہے گی لیکن اگر خدا نخواستہ کسی گھر میں ایک شخص اس سے متاثر ہو جائے تو پورا گھر اس کی زد میں آئے گا اور پھر مشکلات ہی مشکلات ہیں۔