گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ اپوزیشن جماعتیں جو پہلے کبھی حکمران ہوا کرتی تھیں، آج اپنی کھوئی ہوئی حکمرانی اولادوں تک پہنچانا چاہتی ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ اگر غور کیا جائے تو حکومت مخالف مارچ میں کنٹینر پر وہ 5 خاندان ملیں گے جو ہمیشہ حکمرانی کرتے رہے۔
گزشتہ دور میں حکمران رہنے والے خاندانوں کے نام گنواتے ہوئے فردوس عاشق اعوان نے بتایا کہ مفتی محمود خاندان، اچکزئی خاندان، ولی خان خاندان، بھٹو خاندان اور شریف خاندان ہمیشہ پاکستان پر حکمران رہے ہیں۔
فردوس عاشق اعوان نے مولانا فضل الرحمان کے آزادی مارچ پر تنقید کرتے ہوئے کہا کہ حکمرانی اپنی اولادوں تک پہنچانے کے لیے یہ سیاسی جماعتیں ریاستِ پاکستان پر حملہ آور ہیں۔
اگر غور کیا جائے تو اس وقت کنٹینر پر وہ پانچ خاندان ہیں جو ہمیشہ سے اس ملک پر حکمرانی کرتے رہے ہیں یعنی ، مفتی محمود خاندان ، اچکزئی خاندان ، ولی خان خاندان ،بھٹو خاندان اور شریف خاندان ۔۔۔
اب وہ حکمرانی اپنی اولادوں تک پہنچانے کے لیئے ریاست پاکستان پر حملہ آور ہیں ۔۔۔۔۔ pic.twitter.com/rspTmbPRjI
— Dr. Firdous Ashiq Awan (@Dr_FirdousAwan) November 2, 2019
یاد رہے کہ اس سے قبل وزیراعظم کی معاون خصوصی برائے اطلاعات فردوس عاشق اعوان نے کہا کہ حکومت نےاحتجاج کےلیےمولانا فضل الرحمان کو فائیو اسٹار سہولتیں فراہم کیں جبکہ فضل الرحمان کا مارچ کرپشن کے تحفظ کیلئے ہے۔
انہوں نے گزشتہ روز اسلام آباد میں میڈیا سے گفتگو کرتے ہوئے کہا کہ ہم نے مولانا فضل الرحمان کے احتجاج کے لیے سہولت کاری کی جبکہ اگر ہم خوف زدہ ہوتے تو فضل الرحمان کو یہ سہولتیں کیسے دیتے ؟
مزید پڑھیں: کرپشن زدہ سارے چہرے آپ کو ایک کنٹینر پر نظر آئیں گے، فردوس عاشق اعوان
