وزیراعظم عمران کیخلاف اپوزیشن نے تحریک عدم اعتماد جمع کرادی

اسلام آباد: اپوزیشن جماعتوں نے وزیراعظم عمران خان کے خلاف تحریک عدم اعتماد جمع کرادی۔

وزیر اعظم عمران کیخلاف تحریک عدم اعتماد جمع کرانے کا فیصلہ مسلم لیگ (ن) کے پارلیمانی پارٹی اجلاس میں کیا گیا تھا۔

قومی اسمبلی اجلاس کی ریکوزیشن اور تحریک عدم اعتماد جمع کرانے شاہدہ اخترعلی، مریم اورنگزیب، خواجہ سعد رفیق، شازیہ مری، نوید قمر، رانا ثنااللہ اور ایاز صادق قومی اسمبلی سیکرٹریٹ پہنچ تھے۔

مسلم لیگ (ن) کی پارلیمانی پارٹی کے اجلاس میں لیگی قیادت نے تمام ارکان کو ابتدائی طور پر اگلے 20 دن تک اسلام آباد میں قیام کی ہدایت کی ہے۔

میڈیا ذرائع کا کہنا ہے کہ اپوزیشن نے دعویٰ کیا ہے کہ انہوں نے نمبر پورے کر لیے ہیں اور اس وقت ان کے پاس 197 سے 202 اراکین کی حمایت موجود ہے۔

اپوزیشن نے تحریک انصاف کے 27 ارکان اور ایک اتحادی جماعت کے اراکین کی حمایت کا بھی دعویٰ کیا ہے۔

خیال رہے کہ لیگی قیادت نے اپنے ارکان کو بتایا کہ اگلے 3 ہفتے انتہائی اہم ہیں لہٰذا اسلام آباد سے غیرحاضری کسی صورت برداشت نہیں کی جائے گی۔

یہ بھی پڑھیں:اپوزیشن کاعدم اعتماد پر اتفاق، آصف زرداری، فضل الرحمٰن اور شہبازشریف آج پریس کانفرنس کرینگے

مزید برآں پارلیمانی پارٹی کے اجلا س میں شہباز شریف کا کہنا تھا کہ تحریک عدم اعتماد پیش کررہے اس میں حکومت کو تاریخی شکست ہوگی۔

ذرائع کے مطابق شہباز شریف، آصف علی زرداری اور مولانا فضل الرحمان نے عمران خان کے خلاف تحریک عدم اعتماد پر اتفاق کرلیا ہے،اپوزیشن رہنماء کچھ دیر میں اہم پریس کانفرنس کرینگے۔